Nepal's No.1 Filmy Web Magazine
मगर समुदायको संस्कृति र संस्कारमा आधारित भएर बनेको फिल्म ‘घरज्वाइँ’को दोस्रो चरणको पोस्टर सार्वजनिक गरिएको छ । दुईवटा पोस्टरमध्ये एउटामा फिल्मका मुख्य अभिनेता दयाहाङ राई र अभिनेत्री मिरुना मगर बोराको भारी बोकेर हर्षित भावमा प्रस्तुत छन् । यसले उनीहरुको ग्रामीण जीवनको संघर्षलाई दर्शाउँछ । पोस्टरको पृष्ठभूमिमा दुर्गम ग्रामीण परिवेश देख्न सकिन्छ ।
‘छड्के’ निर्देशक निगम श्रेष्ठले आफ्नो आगामी फिल्म ‘भाइरल गोर्खे’को छायांकन सुरु गरेका छन् । मंगलबार लमजुङस्थित भुजुङ गाउँमा क्यामेरा, स्क्रिप्ट र क्ल्याप पूजा गर्दै दृश्य खिच्न सुरु गरिएको हो । फिल्मका लागि पहिलो दृश्य अभिनेता सौगात मल्लले दिए । एक महिनाको छायांकन तालिका राखिएको फिल्मले सामाजिक सञ्जालमा भाइरल हुन जुनसुकै हर्कत गर्ने पात्रको कथा भन्नेछ ।
महिलाले साडी लगाउनु सामान्य मानिन्छ । अहिले त विवाहित हुन् वा अविवाहित, साडी लगाउने ट्रेन्ड नै छ । तर, अभिनेत्री केकी अधिकारी केही दिनयता नवविवाहित दुलहीझैँ रातो साडी र पहेँलो पोतेमा सिंगारिएर मिडियामा प्रस्तुत भइरहेकी छन् । यसले भने धेरैलाई आश्चर्यमा पारेको छ । किनभने, कुनै विशेष कार्यक्रमबाहेक उनी साडीमा विरलै देखिन्छिन् । तर, यतिबेला उनी विवाहपछि माइत फर्किन लागेकी दुलहीझैँ रातो साडीमा अन्तर्वार्ता दिँदै हिँडिरहेकी छन् ।
नेपाली फिल्ममा ‘स्टार किड्स’को प्रवेश बढ्दो छ । अनमोल केसीदेखि सुहाना थापासम्मले माता-पिताको ‘पदचाप’ पछ्याइसकेका छन् । अब सुपरस्टार दीलिप रायमाझीकी छोरी दिव्या पनि फिल्ममा डेब्युको तयारीमा छिन् । उनले फिल्म ‘एक्टर’बाट अभिनय करिअर सुरु गर्न लागेकी हुन् । फिल्ममा उनको जोडी ‘युवा स्टार’ प्रदीप खड्कासँग बाँधिनेछ । उनी प्रदीपको ‘फ्यान’ समेत हुन् ।
नेपाली साहित्यमा अग्लो नाम बनाएका कवि उपेन्द्र सुब्बाले फिल्म ‘जारी’बाट निर्देशनमा पनि आफूलाई प्रमाणित गरे । निर्देशनको हिसाबले यो उनको पहिलो फिल्म भए पनि लेखनमा उनको सक्रियता डेढ दशकदेखि जारी छ । उनले ‘कबड्डी’ श्रृंखला, ‘त्यान्द्रो’, ‘फूलबारी’ जस्ता फिल्म लेखिसकेका छन् । उनको दोस्रो निर्देशकीय फिल्म ‘मनसरा’ भने यही बैशाख २१ गतेबाट प्रदर्शन हुँदैछ ।
सुपरस्टार दीलिप रायमाझीकी छोरी दिव्या रायमाझीले अभिनेत्रीको रुपमा डेब्यु गर्न लागेको फिल्म ‘एक्टर’को शुभ मुहूर्त गरिएको छ । मंगलबार बिहान कार्यविनायक मन्दिर भैंसीपाटी (ललितपुर)मा वैदिक विधिद्वारा हवन यज्ञ गर्दै फिल्मको मुहूर्त गरियो । त्यस अवसरमा दिव्यासहित फिल्मका मुख्य कलाकारहरु प्रदीप खड्का, आना शर्मा, दिव्यदेव, सुशील सिटौला लगायत उपस्थित थिए ।
