Nepal's No.1 Filmy Web Magazine
आर्ट हाउस र कमर्शियल दुवै धारका फिल्ममा आफ्नो उपस्थिति जनाइरहेका भर्सटायल अभिनेता सौगात मल्लको यतिबेला माग र व्यस्तता चर्को देखिन्छ । छायांकनको सेड्युल मिलाउनै उनलाई सकस परिरहेको छ । एउटै समयमा उनका २/३ वटासम्म फिल्म छायांकनमा निस्किरहेका छन् । उनलाई फिल्मबाट अफरको पनि कुनै कमी छैन । अहिले उनीसँग आधा दर्जन बढी फिल्म छन् ।
गत बैशाखमा प्रदर्शन भएको फिल्म ‘बोक्सीको घर’को ‘बुझिनँ मैले’पछि सबैभन्दा बढी रुचाइएको गीत हो, ‘रुकुम मैकोट’ । फिल्म ‘खुस्मा’मा समावेश यो गीतले रिलिजको तीन हप्तामै युट्युबमा एक करोड भ्यूज नघाएको छ । गीत लोकप्रिय हुँदा त्यसले फिल्मको व्यापारमा पनि केही हदसम्म फाइदा पुग्ने गरेको छ । ‘खुस्मा’को व्यापारमा पनि गीतको प्रभाव देखिन सक्ने आँकलन गरिएको छ ।
दशैंको अवसर पारेर आगामी असोज २४ गते फूलपातीदेखि प्रदर्शनमा आउन लागेको फिल्म ‘छक्का पञ्जा ५’को पहिलो गीत ‘बिहे भाको छैन म’ खासै चल्न सकेन । डेढ महिनामा गीतलाई युट्युबमा ४५ लाख भ्यूज छ । बरु यो गीतभन्दा एक हप्ता पछि आएको फिल्म ‘खुस्मा’को ‘रुकुम मैकोट’ गीतले एक करोड भ्यूज नघाएको छ । यसबाट पनि ‘बिहे भाको छैन म’ गीत नचलेको प्रष्ट हुन्छ ।
कुनै बेला नेपाली फिल्मको सफल जोडी हुन्, उत्तम प्रधान र निरुता सिंह । ‘दर्पण छायाँ’ उनीहरूको कालजयी फिल्ममध्ये मानिन्छ । यसपछि ‘लहना’, ‘अजम्बरी माया’, ‘सन्तान’ जस्ता फिल्ममा काम गरेका उनीहरू १२ वर्षदेखि एकसाथ फिल्ममा देखिएका छैनन् । त्यसो त दुवैले फिल्म नखेलेकै लामो समय भैसकेको छ । उत्तम भारतको सिक्किममा र निरुता मुम्बईमा बस्दै आइरहेका छन् ।
‘रुकुम मैकोट’ गीतका कारण चर्चामा रहेको फिल्म ‘खुस्मा’ संविधान दिवसको दिन पारेर भोलि बिहीबारदेखि प्रदर्शनमा आउँदैछ । प्रदर्शनको पूर्वसन्ध्यामा मंगलबार कमलपोखरीस्थित बिग मुभिजमा प्रिमियर राखिएको थियो । मगर समुदायको नृत्य र बाजागाजाले रोमाञ्चक बनेको प्रिमियरमा फिल्मका शीर्ष अभिनेता धीरज मगर र अभिनेत्री उपासना सिंह ठकुरी मगर पहिरनमा उपस्थित थिए ।
