Nepal's No.1 Filmy Web Magazine
बलिउड सुपरस्टार शाहरुख खानका छोरा आर्यनले वेब सिरिज ‘स्टारडम’बाट निर्देशनमा डेब्यु गर्दैछन् । भारतीय फिल्म उद्योगको ‘चकाचौंध’ दुनियाँको कथामा आधारित रहेको सिरिजलाई लिएर महत्त्वपूर्ण जानकारी बाहिरिएको छ । यसमा बलिउडका दुई ठूला सुपरस्टार सलमान खान र शाहरुख खान देखिने भएका छन् । सिरिजमा उनीहरुको केमियो रहने बलिउड हंगामाले जनाएको छ ।
अभिनेत्री नीति शाहको पहिलो फिल्म ‘खजुरे ब्रो’ नराम्ररी पिटियो । न त उनको अभिनय रुचाइयो । तर पनि फिल्ममा उनको माग राम्रो देखिन्छ । यतिबेला उनको हातभरि फिल्म छन् । ‘रुखान’, ‘नरसिंहा अवतार’ र ‘मोहर’ गरी तीन फिल्म सम्झौता गरेर बसेकी उनको दोस्रो फिल्म ‘ज्वाइँ साब’ तिहारमा रिलिज हुँदैछ । यसरी हेर्दा डेब्यु फिल्मको असफलताले उनलाई असर गरेको देखिँदैन ।
फिल्म ‘रावायण’ व्यावसायिक रुपमा सफल भइदिए भए अभिनेता पल शाहको करिअर नै कायापलट हुन सक्थ्यो । उनलाई अपेक्षा पनि यही थियो । तर, फिल्मको नतिजा निकै निराशाजनक आएको छ । फिल्म बक्स अफिसमा पिटिएन मात्र, उनको अभिनयदेखि गेटअपसम्मको व्यापक आलोचना भयो । पल मुछिएको एक प्रकरणको असर फिल्मलाई परेको टीका-टिप्पणी पनि भइरहेको छ ।
अभिनेता पल शाह र अभिनेत्री दीपिका प्रसाइँको अभिनय रहेको फिल्म ‘मायावी’ पूर्वघोषित मिति कात्तिक १५ गते (लक्ष्मीपूजा)बाट पछाडि हटेको छ । यो मितिमा नेपाली र विदेशी गरी लगभग ५ वटा फिल्म पुगेपछि ‘मायावी’को प्रदर्शन मिति सारिएको हो । अब फिल्मलाई आगामी पुष २६ गतेबाट प्रदर्शन गरिने भएको छ । वितरक करण श्रेष्ठ (रिच इन्टरटेन्मेन्टका प्रमुख)ले यसको पुष्टि गरे ।
संविधान दिवसको विदा पारेर असोज ३ गतेबाट फिल्म ‘खुस्मा’ प्रदर्शनमा आउने तयारीमा रहेको छ । यसमा अभिनेता धीरज मगर र अभिनेत्री उपासना सिंह ठकुरीले पहिलो पटक सहकार्य गरेका छन् । तर, फिल्ममा धीरजभन्दा अगाडि उपासना निश्चित भएकी थिइन् । स्क्रिप्टको फाइनल ड्राफ्टपछि धीरजलाई अफर पुगेको थियो । र, फिल्मका लागि उपासनाले नै धीरजलाई रोजेकी थिइन् ।
लक्ष्मण सुनारको निर्देशनमा बन्न लागेको फिल्म ‘कल्ली’मा अभिनेता सौगात मल्ल मुख्य भूमिकामा अनुबन्ध भएका छन् । यसै हप्ता उनीसँग निर्माता किरण नेपालीले कागजी सम्झौता गरेका हुन् । सौगातले यसअघि किरणका तीनवटा फिल्म ‘पोइ पर्यो काले’, ‘दुई नम्बरी’ र ‘हात्तीछाप’मा काम गरिसकेका छन् । ‘कल्ली’मा सौगात कस्तो भूमिकामा रहनेछन्, त्यसबारे जानकारी गराइएको छैन ।
