Nepal's No.1 Filmy Web Magazine
नेपाली राष्ट्रिय महिला टिमकी कप्तान एन्जिला तुम्बापो सुब्बाले फुटबल खेलाडी बन्न गरेको संघर्षमा आधारित फिल्म ‘अञ्जिला’लाई दर्शकबाट उत्कृष्ट प्रतिक्रिया मिलेको छ । बिहीबार (फागु पूर्णिमा)बाट प्रदर्शनमा आएको फिल्म हेरेर एन्जिलाको संघर्षको कथाले प्रायः दर्शक भावुक भएका छन् । त्यसो त, गत सोमबार काठमाडौंमा आयोजित प्रिमियरमा पनि भावविह्वल माहोल बनेको थियो ।
अघिल्लो वर्ष सबैभन्दा धेरै फिल्म प्रदर्शन हुने अभिनेताको कीर्तिमानी दयाहाङ राईको नाममा रह्यो । उनका ९ वटा फिल्म प्रदर्शन भएका थिए । दुईपटक त उनका आफ्नै फिल्मबीच भिडन्त भयो । यस वर्ष पनि गत वर्षकै संख्यामा उनका फिल्म प्रदर्शन हुँदैछन् । अर्थात् ९ वटा । यो साता रोचक संयोग चाहिँ के जुरेको छ भने उनका दुई फिल्म एक दिनको अन्तरमा प्रदर्शनमा आएका छन् ।
हिट फ्रेन्चाइज ‘होस्टेल’को तेस्रो श्रृंखलालाई पनि व्यापारिक सफलता मिल्ने सम्भावना देखिएको छ । कमजोर ओपनिङका बाबजुद पनि दोस्रो दिनबाट हलमा आफ्नो पकड कायम गरेको फिल्मले बक्स अफिसमा राम्रो अंक जोडेको छ । चलचित्र विकास बोर्डको बक्स अफिस तथ्यांकअनुसार फिल्मले ६ दिनमा २ करोड २० लाख ग्रस कमाएको छ । यसबाट निर्माताले एक करोड पाउनेछन् ।
प्रधानमन्त्री केपी शर्मा ओलीले ‘झरेको आँप’ भनेर दिएको अभिव्यक्तिको दृश्य राखेका कारण सेन्सर बोर्डमा ठूलै झमेला व्यहोरेको फिल्म ‘राजागंज’ अन्ततः केही दृश्य र संवाद काँटछाँटपछि बुधबार सेन्सर पास भयो । र, सोही साँझ काठमाडौंको बिग मुभिजमा फिल्मको प्रिमियर गरियो । राजनीतिज्ञदेखि फिल्मकर्मीसम्मको उल्लेख्य उपस्थिति रहेको प्रिमियरमा फिल्मले प्रशंसा बटुलेको छ ।
होलीको अवसर पारेर बिहीबारबाट दुई फिल्म ‘आउट ल’ र ‘अञ्जिला’ प्रदर्शनमा आएका छन् । एकसाथ बक्स अफिस प्रतिस्पर्धामा उत्रिएका यी दुवै फिल्म विषय उठानको हिसाबले भने फरक छन् । ‘आउट ल’ पूर्ण एक्सनप्रधान फिल्म हो । यसमा कानुन तोड्ने पात्रको कथा छ । ‘अञ्जिला’ भने बायोपिक हो । यसैले दर्शकलाई आफ्नो रुचि अनुसार रोजीछानी फिल्म हेर्न पाउने सुविधा छ ।
गायनबाट फिल्म अभिनयमा आएका अपवादले मात्र सफलता हासिल गरेका छन् । त्यसमा प्रकाश सपूत पनि पर्छन् । उनले डेब्यु फिल्म ‘परदेशी २’बाटै सफलताको स्वाद चाख्न पाए । दोस्रो फिल्म ‘पूर्णबहादुरको सारङ्गी’ले त इतिहास नै रचिदियो । लगातारको सफलतापछि यतिबेला उनलाई फिल्म अफरको ओइरो लागेको छ । र, उनले एकपछि अर्को फिल्ममा काम पनि गरिरहेका छन् ।
