Nepal's No.1 Filmy Web Magazine
२०६९ र २०७१ सालमा गरी दुईपटक मण्डला थिएटरमा मञ्चन भएको नाटक थियो, ‘डिग्री माइला’ । त्यसबेला सर्वाधिक रुचाइएको यो नाटकलाई अभिनेता दयाहाङ राईले निर्देशन गरेका थिए । अब यही नाटकको नाम र विषयवस्तुमाथि फिल्म बनेको छ, ‘डिग्री माइला’ । फिल्ममा भने दयाहाङ कलाकारको रुपमा मात्र छन् । ‘कबड्डी’ श्रृंखलाका रामबाबु गुरुङले फिल्म निर्देशन गरेका हुन् ।
होलीको अवसर पारेर चैत ९ गतेदेखि प्रदर्शनमा आएको फिल्म ‘महाजात्रा’ यस वर्ष सर्वाधिक कमाई गर्ने दोस्रो फिल्म बनेको छ । ‘जारी’ १७ करोडमाथिको कमाईसहित पहिलो नम्बरमा छ भने ‘महाजात्रा’ले १० करोडमाथि कमाउँदै दोस्रो स्थान सुरक्षित गरेको छ । निर्माण टिमले शुक्रबार एक पोस्टरमार्फत् फिल्मको दुई हप्ताको कमाई १० करोड १४ लाख दाबी गर्दै ब्लकबस्टर घोषणा गर्यो ।
नेपाली फिल्मबीच भीडन्त नौलो होइन । यो नियति बनिसकेको छ । तर, अक्सर भीडन्त मितिको अभावले भन्दा पनि इगो साँध्न हुने गर्छ । कहिले, कहाँ, कोसँग चित्त बुझेको हुँदैछ, त्यसैको रिसमा फिल्म भिडाइने गरिन्छ । आगामी वर्षको जेठ १० गते अर्थात् बुद्ध जयन्तीमा पनि यही दोहोरिँदैछ । यो मितिमा ‘पूजार सार्की’, ‘फर्की फर्की’ र ‘दान्भी’ गरी तीनवटा फिल्म भिड्ने निश्चित भएको छ ।
अगामी जेठ १० गते नेपाली बक्स अफिसमा त्रिपक्षीय भिडन्त हुने भएको छ । यो मितिमा अभिनेता अनमोल केसी अभिनीत फिल्म ‘फर्की फर्की’, अभिनेत्री पूजा शर्मा अभिनीत फिल्म ‘दान्भी’ र तीन अभिनेताहरु आर्यन सिग्देल, प्रदीप खड्का र पल शाहको मुख्य भूमिका रहेको फिल्म ‘पूजार सार्की’ प्रदर्शन हुने भएका छन् । बुद्ध जयन्तीको विदा लक्षित गर्दै यी तीन फिल्म भिड्न लागेका हुन् ।
कुनै समय नेपाली फिल्ममा अभिनेता निखिल उप्रेतीको ठूलो जगजगी थियो । एउटै सेड्युलमा ३/४ वटासम्म फिल्ममा काम गर्थे । पोस्टरमा उनको अनुहार राखेको भरमा फिल्म चल्ने समय थियो । तर, समय सधैं एकनाश हुँदैन । ‘लुट’पछि हिरोको परिभाषा नै बदलियो । पर्दामा दयाहाङ राईजस्ता अनुहारको दबदबा बढ्दा निखिल जस्ता स्थापित कलाकारको उपस्थिति कमजोर हुँदै गयो ।
मौलिक स्वाद बोकेको फिल्म थियो, ‘कबड्डी’ । यही फिल्मबाट रामबाबु गुरुङ निर्देशनमा स्थापित भए । उनलाई ‘खाँटी सर्जक’को समेत उपमा दिइयो । मौलिक पात्र र परिवेशको कथा पस्किएको ‘कबड्डी’ हरेक कोणबाट आदर्श फिल्म थियो । दोस्रो श्रृंखलाले पनि त्यो धर्म छाडेन । तर, यसको चौंथो श्रृंखलासम्म आइपुग्दा भने निर्देशक गुरुङ बजार केन्द्रित बढी भएको आरोप लागेको छ ।
