Nepal's No.1 Filmy Web Magazine
मिस नेपालमा भाग लिएपछि नीति शाहलाई फिल्म प्रस्तावको कमी नै भएन । तर, जब फिल्ममा काम गर्ने निर्णय लिइन्, त्यसपछि भने डेब्यू गर्नै सकस भयो । उनले सम्झौता गरेका ४ वटा फिल्म बन्नै सकेनन् । पाँचौं फिल्मको रुपमा ‘खजुरे ब्रो’ सम्झौता गरेपछि भने उनको डेब्यूको सपना पूरा भयो । आगामी बैशाख २८ गतेबाट प्रदर्शन हुन लागेको यो फिल्म उनको अभिनयको परीक्षा हो ।
नयाँ वर्षको अवसर पारेर यही चैत ३० गतेदेखि प्रदर्शनमा आउने तयारीमा रहेको रामबाबु गुरुङ निर्देशित फिल्म ‘डिग्री माइला’ले कथावस्तुअनुसार गफाडी प्रतियोगिता घोषणा गरेको छ । गत हप्ता सार्वजनिक ट्रेलरमा अभिनेता दयाहाङ राई गफाडी पात्रको रुपमा प्रस्तुत थिए । त्यही पात्र बनेर आफ्नै बारेमा गफ दिएको बढीमा ३ मिनेटसम्मको भिडियो प्रतिस्पर्धाका लागि पठाउनुपर्नेछ ।
अनिता पण्डितको लेखन तथा निर्देशनमा तयार भएको फिल्म ‘मीराः स्याडो अफ अ रेन्बो’को दुई पोस्टर सार्वजनिक गरिएको छ । पोस्टरले फिल्मको कथावस्तुबारे जानकारी गराउँछ । एउटा पोस्टरमा अनिता पण्डित र सुरवीना कार्की रोमान्टिक भावमा प्रस्तुत छन् । अर्थात् फिल्मले लैङ्गिक र यौनिक विषय उठाएको पोस्टरले पुष्टि गर्छ । फिल्मको प्रदर्शन मिति भने निश्चित भइसकेको छैन ।
फिल्म ‘परदेशी २’ र ‘बदला बरी लै’ गीतको सफलतापछि अभिनेत्री केकी अधिकारी र गायक तथा अभिनेता प्रकाश सपूतबीच पुनः एकपटक सहकार्य भएको छ । केकीको निर्माण तथा अभिनय रहेको फिल्म ‘बोक्सीको घर’का लागि प्रकाशले ‘बुझिनँ मैले’ बोलको एक गीत पारेका छन् । गीतमा गायक सपूतको शब्द तथा संगीत छ भने गायनमा उनलाई समीक्षा अधिकारीले साथ दिएकी छन् ।
प्रदर्शक तथा वितरकहरुको छाता संस्था नेपाल चलचित्र संघले नरेन्द्र महर्जनको नेतृत्वमा नयाँ कार्यसमिति पाएको छ । शनिबार काठमाडौंमा आयोजित संघको ४९ औं वार्षिक साधारण सभा तथा महाधिवेशनमा महर्जनले आफ्ना प्रत्यासी कुवेर शर्मालाई ६० मतले हराउँदै अध्यक्षमा निर्वाचित भएका हुन् । अब तीन वर्ष उनले संघको नेतृत्व गर्नेछन् । यसअघि उनी संघको महासचिव थिए ।
अनिल बुढा मगरको निर्देशनमा तयार भएको फिल्म ‘घरज्वाइँ’को क्यारेक्टर पोस्टर सार्वजनिक गरिएको छ । ग्रामीण परिवेशलाई पृष्ठभूमिमा राखेर तयार पारिएको दुईवटा पोस्टरमध्ये एउटामा अभिनेता दयाहाङ राई र अभिनेत्री मिरुना मगर प्रस्तुत छन् । डोको बोकेर हिँडिरहेका उनीहरु दम्पतीको भूमिकामा रहेको प्रष्ट बुझिन्छ । अर्को पोस्टरमा दयाहाङ काँधमा बन्दुक भिरेर चित्रित छन् ।
