Nepal's No.1 Filmy Web Magazine
फिल्मको लम्बाईमा एउटा सीमितता हुन्छ । हल रिलिजका लागि बन्ने फिल्म ३ वा ४ घण्टाका हुन्छन् । यो लम्बाई पनि धेरै मानिन्छ । बलिउडमै गत वर्ष प्रदर्शन भएको फिल्म ‘एनिमल’ ३ घण्टा २१ मिनेटको थियो । नेपालमै पनि फागुनमा रिलिज भएका दुई फिल्म ‘अगस्त्य’ र ‘रंगेली’को लम्बाई ३ घण्टा हाराहारी थियो । तर, विश्वमा एउटा यस्तो फिल्म बनेको छ, जुन हेर्न चार दिन समय लाग्छ ।
गत मंसिरदेखि माघसम्म ५ वटा फिल्म प्रदर्शनमा आए । जाडो मौसमका कारण फिल्म रिलिजमा कमी आएको थियो । त्यसमध्ये फिल्म ‘दयारानी’ले मात्र लगानी सुरक्षित गर्यो । चलचित्र विकास बोर्डको तथ्यांकमा फिल्मको लाइफटाइम कलेक्सन २ करोड ६० लाख ग्रस छ । फागुन महिनामा भने फिल्म रिलिजको बाढी नै देखियो । यो एक महिनामा मात्र ६ वटा नेपाली फिल्म प्रदर्शन भए ।
‘नेपाल ग्रामीण चलचित्र महोत्सव’ (नेरुफ)को तेस्रो संस्करण आगामी बैशाख ६ देखि ८ गतेसम्म रामेछापमा आयोजना हुने भएको छ । बुधबार रामेछापको मन्थलीमा पत्रकार सम्मेलनको आयोजना गर्दै महोत्सवको बारेमा जानकारी गराइयो । ग्रामीण परिवेशमा बनेका नेपाली फिचर फिल्म, लघु फिल्म, डकुमेन्ट्री तथा विभिन्न भाषाभाषीका फिल्महरु महोत्सवमा प्रदर्शन गरिने जनाइएको छ ।
फिल्म ‘बाटो’को प्रदर्शन रोक्ने त्रास देखाएको भन्दै वितरक कम्पनी डिजिटल सिनेमा नेपाल (डिसिएन)का प्रमुख अशोक शर्माविरुद्ध चलचित्र विकास बोर्ड र चलचित्र निर्माता संघमा उजुरी परेको छ । फिल्मका निर्माता चन्दन झाले डिसिएनसँगको पुरानो सम्झौतालाई नयाँ ढंगले अगाडि बढाउन वा सम्झौता रद्ध गर्न प्रस्ताव गर्दा वितरक शर्माले अस्वीकार गरेको उजुरी पत्रमा उल्लेख छ ।
शुक्रबारबाट प्रदर्शनमा आएको ‘जात्रा’ फ्रेन्चाइजको तेस्रो श्रृंखला ‘महाजात्रा’ले तीन दिन घरेलू बक्स अफिसमा उत्साहजनक व्यापार गर्यो । होली विदा सकिएसँगै कामकाजी दिन सुरु भएकाले फिल्मको व्यापारमा केही गिरावट आएको छ । तर, मध्याह्न र रात्रि शोजमा फिल्मको अकुपेन्सी उच्च छ । सुखद् ‘वर्ड अफ माउथ’ प्राप्त भएकाले फिल्मले हलमा लामो यात्रा गर्ने सम्भावना देखिन्छ ।
गत वर्षको असारतिर मध्य-पूर्वी देश रोमानियामा फिल्म ‘वर एन्ड वधु’को ५० प्रतिशत छायांकन गरिएको थियो । त्यसपछि विभिन्न कारणले रोकिएको फिल्मको बाँकी ५० प्रतिशत छायांकन अब यही चैत तेस्रो साताबाट गरिने भएको छ । नेपालमै छायांकन गर्न लागिएको फिल्ममा अभिनेत्री आँचल शर्मा र नव-अभिनेता विवेक कर्माचार्य मुख्य भूमिकामा छन् भने मिलन चाम्स निर्देशक हुन् ।
