Nepal's No.1 Filmy Web Magazine
‘कसले चोर्यो मेरो मन’ फेम्ड निर्देशक सविर श्रेष्ठले आफ्नो नयाँ फिल्म ‘रुखान’मा अभिनेता आर्यन अधिकारीलाई अनुबन्ध गरेका छन् । निर्माण कम्पनी सविन फिल्म्स र काइट्स इन्टरटेन्मेन्टले मंगलबार एक पोस्टरमार्फत् उनलाई फिल्ममा स्वागत गरेको छ । फिल्ममा उनको जोडी अभिनेत्री नीति शाहसँग बाँधिनेछ । निर्देशक श्रेष्ठले कथामा सुहाउने भएपछि आर्यनलाई भित्राइएको बताए ।
बलिउडमा ‘एक्सन स्टार’को रुपमा चिनिएका अक्षय कुमार र टाइगर श्राफले पहिलोपटक फिल्म ‘बडे मियाँ छोटे मियाँ’मा एकसाथ काम गरेका छन् । उनीहरुको छविअनुसार नै फिल्म बनेको छ । मंगलबार सार्वजनिक ट्रेलरमा दुवै एक्सन अवतारमा प्रस्तुत छन् । आतंककारीबाट देश (भारत)लाई बचाउन उनीहरुले लडेको लडाइँमा ट्रेलर केन्द्रित छ । केही ‘एक्सन सिक्वेन्स’ सानदार देखिन्छ ।
गत असारमा प्रदर्शन भएको फिल्म ‘अन्तिम संस्कार’पछि निर्देशक प्रदीप शाही यतिबेला फिल्म ‘एक्लो’ निर्माणको तयारीमा जुटेका छन् । आगामी साउनपछि छायांकन सुरु गर्न लागिएको फिल्ममा निर्देशक शाहीले कलाकारको ‘लाइनअप’ बलियो बनाएका छन् । साइ-फाई जोम्बी थ्रिलर जनरामा बन्न लागेको फिल्ममा प्रदीप खड्का र बेनिशा हमालपछि अब विजय लामा अनुबन्ध भएका छन् ।
नेपालकै पहिलो एनिमेटेड फिल्म ‘सलीना’को ट्रेलर सार्वजनिक भएको छ । साढे २ मिनेट लम्बाईको ट्रेलरमा एनिमेटेड पात्रमार्फत् कथावस्तु बुझाउने प्रयास गरिएको छ । एउटा राज्यमा राजकुमारीको जन्म भएपछि आउने संकट र उनको बहादुरीलाई ट्रेलरमा देखाएको छ । राक्षसकी रानीको आतंकलाई रोक्न राजकुमारीले अन्य पात्रसँग मिलेर लड्ने लडाइँको कथामा फिल्म आधारित छ ।
विवाहपछि अभिनेत्री ऋचा शर्माको दुई फिल्म प्रदर्शन भए, ‘हिजो आजका कुरा’ र ‘चि मुसी चि’ । तर, यी दुईटै फिल्म सफल हुन सकेनन् । यतिबेला ‘कमेडी च्याम्पियन’को निर्णायक रहेकी उनले यस वर्ष लगातार फिल्ममा काम गरिरहेकी छन् । गत भदौदेखि फागुनसम्ममा उनले तीनवटा फिल्मको छायांकन सकाएकी छन् । जसमध्ये ‘डिग्री माइला’ यही चैत ३० गते प्रदर्शनमा आउँदैछ ।
होलीको अवसर पारेर शुक्रबारबाट प्रदर्शनमा आएको फिल्म ‘महाजात्रा’प्रति नेताहरुको समेत आकर्षण देखिएको छ । आइतबार रास्वपाका सभापति तथा गृहमन्त्री रवि लामिछानेले ललितपुरस्थित लबिम मलमा फिल्म हेरेका थिए । सोमबार पूर्वप्रधानमन्त्री तथा एमाले अध्यक्ष केपी शर्मा ओली पनि फिल्म हेर्ने तयारीमा छन् । प्रदर्शनकै दिन पूर्वरानी कोमल शाहले पनि फिल्म हेरेकी थिइन् ।
