Nepal's No.1 Filmy Web Magazine
यही भदौ १४ गतेदेखि प्रदर्शन हुन लागेको फिल्म ‘वर एन्ड वधु’को तेस्रो गीत सार्वजनिक गरिएको छ । ‘सिरी सिरी’ बोलको गीतमा अभिनेत्री आँचल शर्मा र नव-अभिनेता विवेक कर्माचार्य प्रस्तुत छ । गीतमा उनीहरुको नोकझोंक देखाइएको छ । सुगम पोखरेल र नेहा करोदेको स्वर रहेको गीतमा नरेश भट्टराईको शब्द रचना तथा युग भुसालको संगीत छ । यो गीत रोमानियामा खिचिएको हो ।
दशैंलाई लक्षित गर्दै आगामी असोज ११ गतेबाट प्रदर्शनमा आउने तयारीमा रहेको फिल्म ‘आँखा’को टिजर सार्वजनिक गरिएको छ । बिहिबार युट्युबमार्फत् सार्वजनिक डेढ मिनेट लम्बाईको टिजरले फिल्मको कथावस्तुबारे जानकारी गराएको छ । काठमाडौंको बागमती नदी किनारको सुकुम्बासी बस्तीमा बस्दै आएका मानिसको कथालाई फिल्मले उठाएको छ । टिजर मर्मस्पर्शी बनेको छ ।
कुनै बेला नेपाली फिल्म ‘एक्सन युग’मा थियो । लगभग हरेक फिल्म नै एक्सन कथामा बन्दथे । तर, ‘लुट’ र ‘कबड्डी’ जस्ता फिल्मले परम्परागत कथ्य संरचनाको सिलसिला भत्काएपछि सामाजिक कथाको बाढी आयो । एक दशक यसैमा रुमलिएको नेपाली फिल्म अब फेरि एक्सनमै फर्किन थालेको देखिन्छ । अहिले एकपछि अर्को एक्सन फिल्म आइरहेका छन् । त्यसमध्ये एक हो, ‘रावायण’ ।
‘स्टार’ अभिनेता प्रदीप खड्काले कलाकारकै भूमिकामा अभिनय गरेको फिल्म ‘एक्टर’को फर्स्टलुक पोस्टर सार्वजनिक गरिएको छ । जसमा प्रदीप मात्र चित्रित छन् । तर, उनी पाँच फरक गेटअपमा प्रस्तुत छन् । कुनैमा उनी टाउको र हातमा ब्यान्डेज बाँधेर घाइते अवस्थामा देखिएका छन् भने कुनैमा विमान चालकको पोशाकमा छन् । जसले फिल्ममा प्रदीपको चरित्र बहुरुपी रहेको दर्शाउँछ ।
अभिनेता विपिन कार्कीलाई मातृशोक परेको छ । उनकी आमा सरस्वती कार्कीको ७२ वर्षको उमेरमा बिहीबार बिहान पाटन अस्पतालमा उपचारको क्रममा निधन भएको हो । विभिन्न दीर्घरोगबाट पीडित रहेकी उनको ४ दिनदेखि भेन्टिलेटरमा राखेर उपचार भइरहेको थियो ।
