Nepal's No.1 Filmy Web Magazine
अभिनेता रमित ढुंगानाले देशका शीर्षस्थ नेताहरूलाई अभिनय गराएर तयार पारेको फिल्म हो, ‘नमेटिने घाउ’ । यसमा प्रधानमन्त्री केपी शर्मा ओली, पूर्व प्रधानमन्त्री माधव नेपाल, पूर्व शिक्षा मन्त्री देवेन्द्र पौडेल र राप्रपा सांसद ज्ञानेन्द्र शाहीले अभिनय गरेका छन् । उनीहरुको फिल्ममा लामो दृश्य छैन । ज्यादामा एक मिनेटको छ । तर, पोस्टरमा नेताहरुलाई ‘हिरो’ जसरी प्रस्तुत गरिएको छ ।
जौन योञ्जनको निर्देशनमा बनेको फिल्म ‘आँखा’ दशैं छेको पारेर आगामी असोज ११ गतेदेखि सार्वजनिक प्रदर्शनमा आउने भएको छ । यसअघि असार १४ गतेलाई प्रदर्शन मिति घोषणा गरिएको भए पनि पछि स्थगित भएको थियो । नयाँ प्रदर्शन मिति घोषणासँगै फिल्मको एक पोस्टर पनि सार्वजनिक गरिएको छ, जसमा मुख्य अभिनेत्री स्मिता लामिछाने र अभिनेता आरके मेहता प्रस्तुत छन् ।
तीजको विदा पारेर आगामी भदौ २१ गतेदेखि प्रदर्शनमा आउन लागेको फिल्म ‘रावायण’को टिजर र शीर्ष गीत सार्वजनिक भएपछि चर्चा चुलिएको छ । विदेशमा समेत फिल्मको माग बढेको छ । यसैबीच, मध्यपूर्व र मलेसियामा फिल्मको प्रदर्शन अधिकार बिक्री गरिएको छ । साथीभाई इन्टरटेनमेन्टले मध्यपूर्वी र मलेसियाको अधिकार खरिद गरेको निर्देशक सुदर्शन थापाले जानकारी गराए ।
फिल्म चलाउन नेपाली निर्माताहरुले अक्सर विभिन्न उपहार योजना घोषणा गर्दै दर्शकलाई लोभको ‘ललिपप’ देखाउने गरेका छन् । कसैले मोबाइल उपहार त कसैले नगद पुरस्कार घोषणा गरेका हुन्छन् । तर, आजसम्म उपहारकै लागि फिल्म हेर्न दर्शकको मेला लागेको छैन । एक फिल्मका निर्माताले त ‘सुन उपहार दिन्छु’ भनेर घोषणा गर्दा पनि दर्शक गएनन् । त्यो फिल्म हो, ‘नम्बरी सुन’ ।
आगामी भदौ १४ गतेदेखि प्रदर्शनमा आउने तयारीमा रहेको रोमकोम जनराको फिल्म ‘वर एन्ड वधु’को ट्रेलर सार्वजनिक गरिएको छ । शुक्रबार काठमाडौंमा एक कार्यक्रमबीच सार्वजनिक ट्रेलरले फिल्मको कथावस्तुबारे जानकारी दिन्छ । अभिनेत्री आँचल शर्मा र नव-अभिनेता विवेक कर्माचार्यबीचको प्रेम र धोकाको कथामा फिल्म केन्द्रित रहेको ट्रेलरले प्रष्ट पार्छ । ट्रेलरमा एक्सन पनि छ ।
आगामी असोज १७ गते अर्थात् घटस्थापनबाट प्रदर्शनमा आउने तयारीमा रहेको फिल्म ‘बेहुली फ्रम मेघौली’को ‘बिहे गर्ने कि नगर्ने ?’ र ‘उडायो मन’ गरी दुई गीत सार्वजनिक भइसकेका छन् । यी दुई गीतले एकखालको चर्चा पाइरहँदा शुक्रबार तेस्रो गीत ‘छड्के सलाम’ सार्वजनिक गरिएको छ । काठमाडौंमा एक कार्यक्रमका बीच सार्वजनिक गीतमा बिहे घरको रमाइलोलाई देखाइएको छ ।
