Nepal's No.1 Filmy Web Magazine
राष्ट्रिय दलित आयोगको जातीय अनुसूचीमा विश्वकर्मा जातिलाई ‘कामी’ भनेर उल्लेख गरिएको छ । तर, यही समुदायका कतिपयले ‘कामी’ शब्दलाई अपमानजनक मान्ने गरेका छन् । यो शब्दलाई लिएर बेला बखतमा ठूलै बहस पनि हुने गरेको छ । २०७७ सालमा ‘कामी’ शब्दले विश्वकर्मा जातिलाई अपमान गरेको भन्दै यसको खारेजीको मागसहित सर्वोच्च अदालतमा मुद्धा समेत परेको थियो ।
गायक तथा अभिनेता प्रकाश सपूतको पहिलो निर्देशित फिल्म ‘वसन्त’को पहिलो गीतको रुपमा ‘साँझ पर्यो झमक्क’ सार्वजनिक गरिएको छ । शनिबार काठमाडौंमा एक कार्यक्रमबीच सार्वजनिक उक्त गीतमा प्रकाश स्वयंको गायन छ भने उनलाई ‘गलबन्दी’ गायिका शान्तिश्री परियारले साथ दिएकी छन् । सालैजो र यानीमाया भाकाको गीतमा प्रकाश स्वयंको शब्द रचना तथा संगीत छ ।
दीवाकर भट्टराईको निर्देशनमा बनेको पाँचौं फिल्म ‘मायावी’को दोस्रो पोस्टर सार्वजनिक गरिएको छ । शुक्रबार सार्वजनिक दुईवटा पोस्टरले फिल्मका दुई मुख्य पात्र पल शाह र दीपिका प्रसाइँको मनोदशा दर्शाउँछ । एउटा पोस्टरमा पल पीडामा देखिन्छन् । तर, अर्कोमा उनी दीपिकासँग प्रेमिल भावमा चित्रित छन् । यसबाट प्रष्ट हुन्छ कि फिल्मले मुख्य रुपमा प्रेम र विछोडको कथा भन्नेछ ।
नेपालमा फिल्म बनाउनभन्दा चलाउन कठीन छ । रिलिजका लागि मिति खोज्नदेखि हलमा शोका लागि निर्माताले ठूलै माथामच्ची गर्नुपर्छ । अब झन् फिल्म रिलिजको प्रक्रिया जटिल बन्दैछ । नेपाली फिल्म क्षेत्रका दुई संस्था निर्माता संघ र नेपाल चलचित्र संघले अबदेखि फिल्म रिलिज गर्दा दुवै संस्थामा दर्ता गर्नुपर्ने र निर्माता संघमा ५ हजार तिरेर सदस्यता लिनुपर्ने सिन्डिकेट लादेका छन् ।
आगामी माघ २५ गतेबाट प्रदर्शनमा आउने तयारीमा रहेको हरर फिल्म ‘ममी’को दोस्रो चरणको पोस्टर सार्वजनिक गरिएको छ । शुक्रबार जारी पोस्टरमा फिल्मकी मुख्य अभिनेत्री प्रियंका कार्की चित्रित छिन् । निलो रंगको नाइट ड्रेसमा रहेकी उनी डर मिश्रित भावमा मुठ्ठी कसेर केही हेरिरहेकी छन् । उनको लुगामा सुकेको रगतको टाटा देखिन्छ । र, छेवैमा कालो विरालो उभिएको छ ।
