Nepal's No.1 Filmy Web Magazine
गत शुक्रबार (महाशिवरात्रि)बाट प्रदर्शनरत अर्जुन सुवेदी निर्देशित फिल्म ‘रङ्गेली’को ‘फूल ओइलिएर’ गीत सार्वजनिक गरिएको छ । गीतमा सुशान्त गौतमको स्वर तथा संगीत रहेको छ भने निर्देशक सुवेदी स्वयंको शब्द रचना छ । फिल्मभित्रका चल/अचल दृश्य समावेश यो गीतले प्रेम र मित्रतामा आएको संकटलाई व्यक्त गर्छ । फिल्ममा गीतलाई कथावाचनको रुपमा समावेश गरिएको छ ।
बलिउडले दुई हप्ताको अन्तरमा दुईवटा हिट फिल्म पाएको छ । गत फेब्रअरी २३ मा रिलिज भएको फिल्म ‘आर्टिकल ३७०’ झण्डै ७० करोड कमाउँदै यस वर्षको हिट सावित हुँदा गत शुक्रबारबाट प्रदर्शनमा आएको अर्को फिल्म ‘शैतान’ले सिर्फ ६ दिनमै हिटको रेकर्ड बनाएको छ । फिल्मले विकेन्डमा नै सानदार कमाई गरेको थियो । तीन दिनमा फिल्मको कमाई ५५ करोड नाघेको थियो ।
घनश्याम लामिछानेको निर्देशनमा तयार भएको फिल्म ‘लण्डन टू पेरिस’को प्रदर्शन मिति घोषणा गरिएको छ । बिहीबार निर्माताले एक रोमान्टिक पोस्टर सार्वजनिक गर्दै आगामी जेठ २५ गतेलाई प्रदर्शन मिति घोषणा गरेका हुन् । सार्वजनिक पोस्टरमा अभिनेत्री साम्राज्ञी राज्यलक्ष्मी शाह र नव-अभिनेता निश्चल खड्का प्रस्तुत छन् । उनीहरु एकअर्कालाई चुम्बन गरेको अवस्थामा चित्रित छन् ।
‘नेपाल सांस्कृतिक अन्तर्राष्ट्रिय चलचित्र महोत्सव’को पाँचौं संस्करण यही चैत १६ गतेदेखि १८ गतेसम्म आयोजना हुने भएको छ । बुधबार काठमाडौंमा एक कार्यक्रमका बीच महोत्सवमा ३७ देशका फिल्मले सहभागिता जनाउने जानकारी गराइयो । चलचित्र विकास बोर्ड र नेपाल पर्यटन बोर्डमा हुने महोत्सवमा ६० वटा फिल्म प्रदर्शन गरिने आयोजक संस्था नेपाल संस्कृति तथा चलचित्र केन्द्रका अध्यक्ष सन्तोष सुवेदीले बताए ।
ग्याङ्गस्टर कथामा निर्माण भएको फिल्म ‘रङ्गेली’को नेपाल प्रतिक्रियापछि ओभरसिज बजारमा माग बढ्न थालेको छ । प्रदर्शनअघि नै अमेरिका, क्यानडा, जापान र कोरियामा बिक्री भइसकेको फिल्मको हालै मलेशिया, दुबई, कतार, बहराइन, साउदी र ओमनमा प्रदर्शन अधिकार बिक्री भएको निर्देशक अर्जुन सुवेदीले जानकारी दिए । अरु देशबाट पनि फिल्मको माग आएको उनले बताए ।
अघिल्लो वर्ष (२०२३)मा रिलिज भएको हलिउड फिल्म ‘ओपेनहाइमर’ले विश्व बजारमा नै अप्रत्यासित कमाई गर्यो । यसले विश्वभर ९६० मिलिडन डलर अर्थात् झण्डै नेपाली ८ हजार करोडको कमाई गरेको थियो । यतिबेला विश्वका एकसेएक प्रतिष्ठित फेस्टिभल तथा अवार्डमा महत्त्वपूर्ण विधामा अवार्ड जितिरहेको फिल्मले यही सोमबार भएको ओस्कार अवार्डमा पनि ७ वटा अवार्ड जित्यो ।
