Nepal's No.1 Filmy Web Magazine
शोभित बस्नेतद्वारा निर्देशित फिल्म ‘बद्री बहादुर’को पहिलो गीत सार्वजनिक गरिएको छ । सोमबार काठमाडौंका एक कार्यक्रमका बीच सार्वजनिक ‘पुलिस दाई’ बोलको गीतमा अभिनेत्री पूजा शर्मा र अभिनेता सलोन बस्नेत नृत्य गर्दै प्रस्तुत छन् । सलोन पुलिसको भेषमा देखिएका छन् । जयकिशन बस्नेत, राजीव जंग बस्नेत, शोभित बस्नेत लगायतका कलाकारलाई पनि गीतमा देख्न सकिन्छ ।
आगामी वर्षको जेठमा लण्डनमा ‘नेपाली फिल्म फेस्टिभल-२०२४’ आयोजना हुने भएको छ । बेलायतको राजधानी सहर लण्डनमा दोस्रोपटक यो महोत्सव हुन लागेको हो । थर्ड आई लिमिटेडका अध्यक्ष विकास देवकोटाले सात दिनसम्म महोत्सव चल्ने जानकारी दिए । आगामी जेठ २७ गतेदेखि असार १ गतेसम्म महोत्सव हुनेछ । महोत्सवमा १० वटा नेपाली फिल्म प्रदर्शन हुने जनाइएको छ ।
माता-पिताको पदचाप पछ्याउँदै नेपाली फिल्ममा भित्रने ‘स्टार किड्स’को संख्या बढ्दो छ । तर, ज्यादै कमले मात्र आफ्नो प्रभाव छाड्न सफल छन् । अब ‘एक्सन स्टार’ विराज भट्टका छोरा समीर भट्ट पनि फिल्ममा डेब्यूको तयारीमा छन् । उनलाई विराजले नै आफ्नो नयाँ फिल्म ‘१२ गाउँ’बाट डेब्यू गराउन लागेका हुन् । पहिलो फिल्ममै समीर एक्सन भूमिकामा प्रस्तुत हुने जनाइएको छ ।
शिवरात्रिको अवसर पारेर शुक्रबारदेखि प्रदर्शनमा आएको फिल्म ‘रङ्गेली’लाई प्रिमियरमै लम्बाई छोट्याउन सुझाव मिलेको थियो । त्यसपछि निर्देशक अर्जुन सुवेदीले ५ मिनेट छोट्याएर फिल्म रिलिज गरेका थिए । नभए फिल्मको लम्बाई २ घण्टा ५५ मिनेट थियो । हल रिलिजपछि प्रायः दर्शकबाट फिल्म धेरै लामो भयो भन्ने प्रतिक्रिया मिलेपछि निर्देशक सुवेदीले थप २१ मिनेट घटाएका छन् ।
नेपाली समयअनुसार सोमबार संसारकै प्रतिष्ठित मानिने ओस्कार अवार्ड (द एकेडेमी अवार्ड) वितरण गरियो । अवार्ड कार्यक्रममा विजेतासँगै यस्ता मुभमेन्ट भए, जुन सर्वाधिक चर्चाको विषय बनेको छ । हलिउड अभिनेता तथा पूर्व रेस्लर जोन सिना न्यूड भएर ओस्कारको स्टेजमा पुग्दा धेरै अचम्ममा परेका थिए । उद्घोषक जिमी किमेलले बोलाएपछि जोन न्यूड भएर स्टेजमा पुगेका थिए ।
कयैन् विश्व प्रतिष्ठित फेस्टिभल तथा अवार्डमा आफ्नो वर्चस्व कायम गरेको सन् २०२३ को सफल फिल्म ‘ओपेनहाइमर’ले सर्वाधिक विधासहित ओस्कार अवार्डमा पनि बाजी मारेको छ । सोमबार बिहान लस एन्जिलिसको डल्बी थिएटरमा भएको अवार्ड समारोहमा फिल्मले ७ वटा विधामा अवार्ड जितेको हो । उत्कृष्ट फिल्मसहित उत्कृष्ट निर्देशकसम्मको अवार्ड फिल्मले आफ्नो पोल्टामा पार्यो ।
