Nepal's No.1 Filmy Web Magazine
नेपाली फिल्ममाथि सेन्सर बोर्डको हस्तक्षेप बढ्दो छ । कहिले दृश्य र संवाद त कहिले नाममा आपत्ति जनाउँदै बोर्डले फिल्मलाई प्रमाणपत्र दिन अस्वीकार गर्दै आएको छ । यसपटक फिल्म ‘रङ्गेली’लाई सेन्सरले रोकेको छ । शीर्षकमा आपत्ति नजाउँदै बोर्डले फिल्मलाई प्रमाणपत्र दिएको छैन । सेन्सर बोर्डबाट प्रमाणपत्र नपाएसम्म फिल्मलाई सार्वजनिक प्रदर्शन गर्न नपाइने व्यवस्था छ ।
एक हप्ताअघि युट्युबमा सार्वजनिक भएको फिल्म ‘डिग्री माइला’को टिजरमा अभिनेता दयाहाङ राईले चौधरी ग्रुपले ४ लाख अफर गर्दा पनि आफूले काम गरेको भन्ने संवाद समावेश छ । यो टिजरको आकर्षक पक्ष हो । दयाहाङले जुन मुडमा संवाद भनेका छन्, त्यसले स्वभाविक रुपमा हाँसो पैदा गर्छ । चौधरी ग्रुपका अध्यक्ष विनोद चौधरीले पनि आफूलक्षित उक्त संवाद मन पराएका छन् ।
नेपाली फिल्ममा ‘स्टार किड्स’को प्रवेश बाक्लिँदो छ । केहीले ठूलो सफलता पनि हासिल गरेका छन् । अब एक समयका सफल अभिनेता दीलिप रायमाझीकी छोरी दिव्या रायमाझी फिल्ममा डेब्यूको तयारीमा छिन् । सुन्दरताका कारण लामो समयदेखि चर्चामा रहेकी उनले डेब्यूका लागि दशैंअघि फिल्म ‘वरिष्ठ बलराम’ सम्झौता गरेकी थिइन् । अब अर्को फिल्म ‘एक्टर’मा जोडिएकी छन् ।
टिजर र ट्रेलरपछि चर्चामा रहेको सौरभ चौधरीद्वारा निर्देशित फिल्म ‘अगस्त्य’ले प्रदर्शन सुरु गरेको छ । मल्टीप्लेक्सहरुमा उच्च शो पाएको फिल्ममा कलाकारको ‘लाइनअप’ बलियो भएकाले सुखद् व्यापार गर्ने प्रक्षेपण गरिएको छ । तर, फिल्मको बुकिङ कमजोर देखिएकाले इनिसियल व्यापार भने अपेक्षाकृत नहुन सक्छ । यसैले फिल्मलाई अब बलियो ‘वर्ड अफ माउथ’को आवश्यकता छ ।
सञ्चारकर्मी लक्ष्मण सुवेदीको लेखन तथा निर्देशनमा तयार भएको फिल्म ‘सतीदेवी’ फर्स्टलुक पोस्टर सार्वजनिक भएसँगै चर्चामा छ । नारी संवेदनामा आधारित भएर निर्माण भएको फिल्मप्रति सरकारले पनि चासो देखाएको छ । बुधबार सञ्चार तथा सूचना प्रविधि मन्त्री रेखा शर्माले निर्देशक सुवेदीसँग मन्त्रालयमा भेट गरेर फिल्मलाई शुभकामना दिँदै सहयोग गर्ने प्रतिबद्धता जनाएकी थिइन् ।
महाशिवरात्रीको अवसर पारेर यही फागुन २५ गतेबाट प्रदर्शनमा आउन लागेको ज्ञानेन्द्र देउजा निर्देशित फिल्म ‘उपहार’को चौंथो गीत सार्वजनिक गरिएको छ । ‘कहिले बार बिर्सिन्छु’ बोलको डान्सिङ शैलीको गीतमा अञ्जु पन्त र साइराज खातीको युगल स्वर छ भने अर्जुन पोखरेलको संगीत तथा इन्दिरा अधिकारीको शब्द रचना छ । गीतमा फिल्मका तीन जोडीलाई चित्रण गरिएको छ ।
