Nepal's No.1 Filmy Web Magazine
अभिनेता विजय लामाको परिचयका विभिन्न आयाम छन् । उनी पेशाले विमान चालक (पाइलट) हुन् । सन् १९८५ देखि यो पेशामा आबद्ध रहेका उनी करिब ४ दशकदेखि अभिनयमा पनि सक्रिय छन् । सामाजिक कार्यमा पनि उनको अग्रसरता देखिन्छ । कुनै बेलाका लङ टेनिसको राष्ट्रिय स्तरको खेलाडी समेत हुन्, उनी । अब उनी पेशाबाट विश्राम लिएर राजनीतिमा आउने भएका छन् ।
बलिउड फिल्ममा नेपाली कलाकारको उपस्थिति बढ्दो छ । मनिषा कोइराला, सुनिल थापा, भोलाराज सापकोटा, झरना बज्रचार्य लगायतले हिन्दी फिल्ममा काम गरिसकेका छन् । तथापि, मनिषा जत्ति बलिउडमा अरु स्थापित हुन सकेनन् । अब चाँडै अभिनेता प्रदीप खड्काले फिल्म ‘ऐरी’बाट बलिउडमा डेब्यू गर्दैछन् भने अभिनेत्री बेनिशा हमाल पनि बलिउड फिल्ममा देखिने भएकी छन् ।
यही फागुन ११ गतेबाट प्रदर्शनमा आउन लागेको जंगल वारमा आधारित पहिलो नेपाली फिल्म ‘गोर्खा वारियर’को धरानमा प्रिमियर गरिएको छ । प्रायः फिल्मको काठमाडौं केन्द्रित प्रिमियर हुने गरेको भए पनि निर्देशक मिलन चाम्सले फिल्मको कथावस्तुअनुसार नेपालमा पहिलो प्रिमियर धरानमा गरेका हुन् । किनकि, धरान लाहुरेको सहर हो । र, फिल्मले उठाएको कथा पनि लाहुरेको हो ।
हिटमा ‘ह्याट्रिक’ जोडी दयाहाङ राई र मिरुना मगरको व्यस्तता चुलिँदो छ । लगातार तीन फिल्म ‘कबड्डी ४’, ‘जारी’ र ‘नाङ्गो गाउँ’ सफल भएपछि उनीहरुले एकपछि अर्को फिल्ममा काम गरिरहेका छन् । दशैंअघि ‘रङ्गेली’ र गत साता निर्देशक उपेन्द्र सुब्बाको दोस्रो फिल्म ‘मनसरा’को छायांकन सकिए लगत्तै उनीहरुले यही शनिबारबाट नयाँ फिल्म ‘घरज्वाइँ’को छायांकन सुरु गरेका छन् ।
अभिनेत्री राधिका आप्टेको अभिनय क्षमताको बलिउडमा जति धेरै चर्चा हुन्छ, त्योभन्दा बढी उनको अभिव्यक्ति र हर्कतलाई लिएर विवाद हुने गरेको छ । केही वर्षअघि उनले बाथरुममा नुहाइरहेको सेल्फी सार्वजनिक गरेको घटना होस् वा अबका युवतीहरु यौन सम्बन्धका लागि बिहे पर्खेर बस्दैनन् भन्दै दिएको अभिव्यक्ति नै किन नहोस्, उनी चर्चा र विवादबाट कहिल्यै टाढा भएकी छैनन् ।
डिजिटल युगसँगै नेपाली फिल्मलाई सफलताको मानक मानिने प्रदर्शनको ५१औं र सय दिन दुर्लभ बनेको छ । ‘एनलग’को जमाना यो रेकर्ड सामान्य मानिन्थ्यो । फिल्म निर्माण र प्रदर्शन कम हुने भएकाले धेरै फिल्म हलमा महिनौं टिक्थे । तर, अचेल हलमा एक हप्ता टिकिराख्न पनि नेपाली फिल्मले ठूलो संघर्ष गर्नुपर्ने अवस्था छ । यद्यपि, वर्षमा केही फिल्मले लामो यात्रा तय गर्ने गरेका छन् ।
