Nepal's No.1 Filmy Web Magazine
आगामी फागुन १८ गतेदेखि प्रदर्शन हुन लागेको फिल्म ‘अगस्त्य’को पहिलो गीत सार्वजनिक गरिएको छ । ‘भ्यालेन्टाइन विक’को अवसर पारेर सार्वजनिक ‘मायामा तिम्रै मायामा’ बोलको गीतमा अभिनेता सौगात मल्ल र अभिनेत्री मलिका महत फिचरिङ छन् । गीतहरुले उनीहरुको प्रेमभाव बोल्छ । गीतमा तराई क्षेत्रको भूगोल र त्यहाँको जनजीवनलाई आकर्षक रुपमा चित्रण गरिएको छ ।
फिल्म प्रदर्शनको गर्विलो इतिहास बोकेको काठमाडौंको चाबहिलस्थित गोपीकृष्ण हल आगामी फागुन १ गतेदेखि बन्द हुने भएको छ । कोरोनाको समयदेखि बेहोर्नुपरेको आर्थिक घाटाका कारण हल बन्द गर्ने निर्णयमा पुगेको गोपीकृष्ण मुभिजका प्रबन्ध निर्देशक नीरक पौडेलले विज्ञप्तिमार्फत् जनाएका छन् । हल सधैंका लागि बन्द गरिएको हो वा सीमित समयका लागि, त्यो भने खुलाइएको छैन ।
आगामी फागुन महिना अभिनेत्री रेखा थापाका लागि विशेष छ । यो महिनामा उनको दुईवटा उपहार आउँदैछ । उनले ५ वर्षपछि कमब्याक गरेको फिल्म ‘उपहार’ फागुन २५ गतेबाट प्रदर्शनमा आउने तयारीमा छ भने त्यसभन्दा अगाडि उनी आमा भइसकेकी हुनेछिन् । यतिबेला उनी श्रीमानसँग अमेरिकामा छिन् । उनले अमेरिकाबाटै डिजिटल माध्यमबाट फिल्मको प्रचार गरिरहेकी छन् ।
२०७५ सालमा निर्माण भएर विदेशका केही ठाउँमा प्रिमियर समेत भैसकेको फिल्म ‘दयारानी’ले शुक्रबारबाट व्यावसायिक प्रदर्शन सुरु गरेको छ । त्यसको पूर्व सन्ध्यामा बिहीबार साँझ काठमाडौंको कमलपोखरीस्थित बिग मुभिजमा फिल्मको प्रिमियर राखिएको थियो । फिल्मकर्मीहरुको राम्रो उपस्थिति रहेको प्रिमियरमा फिल्मको कथावस्तुदेखि कलाकारको अभिनयसम्मको प्रशंसा भयो ।
