Nepal's No.1 Filmy Web Magazine
मिलन चाम्सको निर्देशनमा तयार भएको फिल्म ‘गोर्खा वारियर’को ‘जय जय गोर्खाली’ बोलको गीत सार्वजनिक गरिएको छ । गोर्खा सैनिकको बहादुरीको बखान गरिएको गीतमा राजेशपायल राईको स्वर, पूर्व आईजीपी शैलेन्द्र खनाल (शदर)को शब्द तथा एलिस कार्कीको संगीत छ । फिल्मभित्रका द्वन्द्वका दृश्य समावेश गरिएको गीतले फिल्मको कथा बोल्ने निर्देशक चाम्सले बताएका छन् ।
भोलि शुक्रबार (माघ २६ गते)बाट प्रदर्शन हुन लागेको मल्टीस्टारर फिल्म ‘हात्तीछाप’ले स्वदेशी (दयारानी) र विदेशी (तेरी बातों मे ऐसा उल्झा जिया) फिल्मको बावजूद पनि मल्टीप्लेक्सहरुमा सुखद् शोज प्राप्त गरेको छ । फिल्मले देशभरका मल्टिप्लेक्समा गरेर कूल १६४ शोज र सिंगल थिएटर समेत जोड्दा लगभग २ सय शोज पाएको वितरक कम्पनी आरआर फिल्म्सले दाबी गरेको छ ।
‘जात्रा’ फ्रेन्चाइजको तेस्रो श्रृंखला ‘महाजात्रा’को ‘भ्यालेनटाइन विक’को अवसर पारेर फरक भाव र परिस्थिति बोल्ने दुईवटा पोस्टर सार्वजनिक गरिएको छ । एउटा पोस्टरमा अभिनेता विपिन कार्की र अभिनेत्री वर्षा राउत प्रेमिल भावमा चित्रित छन् भने अर्कोमा दिव्य देवको अंगालोमा गौमाया गुरुङ भावुक देखिएकी छन् । फिल्ममा प्रेम र पीडा दुवैको समिश्रण रहेको पोस्टरले संकेत गर्छ ।
नेपाली फिल्ममा सेन्सरसिपको प्रावधान हटाउनुपर्ने आवाज अक्सर सुनिन्छ । यसले सृजनात्मक स्वतन्त्रतामा अंकुश लगाउने काम गरेको फिल्मकर्मीहरुको तर्क छ । तर, सरकार भने सेन्सरसिपमा थप निर्मम बनेको छ । सञ्चार तथा सूचना प्रविधि मन्त्रालयले ल्याउन लागेको चलचित्र जाँचसम्बन्धी कार्यविधि २०८० पारित भएको अवस्थामा अब फिल्म निर्माण गर्न नै कठिनाई हुने देखिन्छ ।
नेपाली अभिनेत्रीहरुबीच मेलमिलाप छैन भन्ने कुरा अक्सर सुनिन्छ । प्रतिस्पर्धाको क्षेत्र भएकाले पनि त्यसले सम्बन्धमा प्रभाव पार्नु स्वभाविक हो । तर, स्वस्तिमा खड्का र वर्षा राउतको हकमा केही अलग छ । यस वर्ष प्रदर्शन भएको फिल्म ‘ऐंचो पैंचो’मा दिदी-बहिनीको भूमिकामा काम गरेका उनीहरुबीच राम्रो ‘बोन्डिङ’ बनेको छ । दुवैले एकअर्कालाई साथ र हौसला दिइरहेका हुन्छन् ।
