Nepal's No.1 Filmy Web Magazine
‘मिस्टर झोले’ जोडी दयाहाङ राई र दीया पुन अभिनीत फिल्म ‘दयारानी’को नेपालका मल्टीप्लेक्सहरुमा सुखद् शोजसहित अग्रिम बुकिङ खुलेको छ । देशभरका हलमा गरेर ११३ शोज पाएको फिल्मलाई देशकै ठूलो मल्टीप्लेक्स चेन क्यूएफएक्सले काठमाडौं उपत्यका र मोफसलमा गरी कूल ३६ शोज र दोस्रो ठूलो मल्टीप्लेक्स चेन आइएनआइ सिनेमाजले १२ शोज उपलब्ध गराएको छ ।
गत वर्षको सफल फिल्म ‘दुई नम्बरी’को ‘स्टारकास्ट’ दोहोर्याएर निर्माण भएको फिल्म ‘हात्तीछाप’ यही माघ २६ गतेबाट प्रदर्शनमा आउने तयारीमा छ । कात्तिकयता सुस्ताएको बजारलाई चलायमान बनाउने अपेक्षा गरिएको फिल्मले मंगलबार साँझ काठमाडौंमा आयोजित प्रिमियरमा प्रशंसा पाएको छ । फिल्मको कथावस्तु, प्रस्तुति र कलाकारको अभिनयको तारिफ प्रिमियरमा बढी सुनियो ।
एउटा प्रदर्शनमा नआउँदै त्यसको सिक्वेल घोषणा गर्ने होडबाजी चलिरहेको समयमा माघ २६ गतेबाट प्रदर्शन हुन लागेको फिल्म ‘हात्तीछाप’को पनि सिक्वेल बन्ने भएको छ । फिल्मको अन्तिम ‘इन्ट्रो’मा ‘हात्तीछाप २ : बोतल राजा’ उल्लेख गर्दै सिक्वेल घोषणा गरिएको हो । फिल्ममा अभिनेता सौगात मल्लले बोतल राजाको भूमिका निभाएका छन् । सिक्वेल उनीमै केन्द्रित हुने प्रष्ट बुझिन्छ ।
अभिनेत्री केकी अधिकारीको अभिनय तथा निर्माण रहेको फिल्म ‘बोक्सीको घर’को प्रदर्शन मिति घोषणा गरिएको छ । आगामी वर्षको बैशाख १४ गतेबाट फिल्म प्रदर्शनमा आउन लागेको हो । करिब ८ वर्ष अगाडि मण्डला थिएटरमा एक महिनासम्म मञ्चन भएको ‘बोक्सीको घर’ नाटकमा आधारित भएर फिल्म निर्माण भएको हो । फिल्मका लेखक तथा निर्देशक सुलक्षण भारती हुन् ।
यही माघ १८ देखि २२ गतेसम्म चितवनको सौराहामा आयोजना भएको ‘सौराहा दक्षिण एसियाली फिल्म महोत्सव’मा लक्ष्मण सुवेदी निर्देशित फिल्म ‘सतीदेवी’ले दुई विधामा अवार्ड जितेको छ । फिल्मले ५० हजार नगदसहित सर्वोत्कृष्ट फिल्म र स्व. शिव रेग्मीको नाममा समर्पित ‘शिव रेग्मी सर्वोत्कृष्ट निर्देशक’को अवार्ड जितेको हो । अवार्ड लिन निर्देशक सुवेदी स्वयं स्टेज उक्लिएका थिए ।
गत वर्ष (२०२३) ‘पठान’ जस्तो ब्लकबस्टर फिल्म दिएका निर्देशक सिद्धार्थ आनन्दले अभिनेता ऋतिक रोशन र अभिनेत्री दीपिका पादुकोणलाई लिएर बनाएको फिल्म ‘फाइटर’ बक्स अफिसमा दम तोड्ने अवस्थामा पुगेको छ । २४ करोडको ओपनिङ गरेको फिल्मलाई घरेलू बजारबाटै लगानी सुरक्षित गर्न चुनौती देखिएको छ । यो फिल्म २ सय ५० करोडको लागतमा निर्माण भएको हो ।
