Nepal's No.1 Filmy Web Magazine
निर्देशक मिलन चाम्सलाई फिल्म बनाउने मेशिन भन्ने गरिन्छ । एउटा फिल्म प्रदर्शनमा नआउँदै उनले अरु एक/दुईवटा फिल्मको छायांकन भ्याइसकेका हुन्छन् । आगामी फागुन ११ गते फिल्म ‘गोर्खा वारियर’ प्रदर्शनको तयारीमा रहँदा गत मंसिरमा उनले फिल्म ‘अञ्जिला’को छायांकन सकाएका थिए । अब केही महिनाभित्र फिल्म ‘वर एण्ड बधु’को अधुरो छायांकन पूरा गर्ने उनको तयारी छ ।
कथावाचन शैलीका गीतमा अब्बल मानिएका नवीन चौहानको निर्देशनमा बन्न लागेको पहिलो फिल्म ‘ऊनको स्वीटर’को फर्स्टलुक पोस्टर सार्वजनिक गरिएको छ । पुरानो ‘टेक्स्चर’मा तयार पारिएको पोस्टरमा विपिन कार्की र मिरुना मगर चित्रित छन् । ८०/९० को दशकतिर फोटो खिच्ने ट्रेन्डलाई पोस्टरले प्रतिबिम्बित गर्छ । पोस्टरमा विपिन उभिएका छन् भने मिरुना कुर्सीमा बसेकी छन् ।
करिब ५/७ वर्षअघि अभिनेत्री प्रियंका कार्कीको हरेक हप्ताजसो फिल्म रिलिज हुने गरेका थिए । त्यसमध्ये केही फिल्म सफल हुँदा उनलाई ‘नम्बर वान अभिनेत्री’ समेत भन्न थालिएको थियो । तर, जब उनले संख्यात्मक अभिनयमा जोड दिन थालिन्, त्यसपछि उनको करिअरको गति विग्रिएको छ । कुनै बेला मेकरको पहिलो रोजाईमा पर्ने गरेकी उनलाई अहिले विकल्पको रुपमा लिइन्छ ।
यही माघ २६ गतेबाट प्रदर्शनमा आउने तयारीमा रहेको माओत्से गुरुङ निर्देशित फिल्म ‘दयारानी’को तालनगरी पोखरामा प्रिमियर गरिएको छ । आइतबार पोखराको मिडटाउन सिनेमाजमा आयोजित प्रिमियरमा पोखराका मेयरदेखि वडा अध्यक्षसम्मले फिल्मको प्रशंसामा शब्द खर्चिएका थिए । फिल्मको कथावस्तु, निर्देशन र कलाकारको अभिनय सशक्त रहेको भन्दै प्रशंसा भएको थियो ।
‘कसले चोर्यो मेरो मन’ फेम्ड निर्देशक सविर श्रेष्ठले ‘रुखान’ नाममा फिल्म बनाउने भएका छन् । सोमबार एक पोस्टर सार्वजनिक गर्दै फिल्म निर्माणको घोषणा गरिएको हो । एआईको प्रयोग गरेर तयार पारिएको पोस्टरमा एक महिलालाई विद्रोही अवतारमा चित्रण गरिएको छ । पृष्ठभूमिमा आन्दोलनकारी, आर्मी फोर्स, अक्सिजन माक्स लगाएको विरामी र न्यायमूर्तिको प्रतिमा देखिन्छ ।
‘डायरी’ निर्देशक अनिल योञ्जनले करिब ७ वर्षपछि फिल्म ‘रुमानी’बाट कमब्याक गर्ने भएका छन् । आगामी चैतबाट छायांकनको तयारी गरिएको फिल्ममा अभिनेत्री साम्राज्ञी आरएल शाह र अभिनेता आर्यन अधिकारी मुख्य भूमिकामा अनुबन्धित भैसकेका छन् । अर्थात् फिल्ममा उनीहरुको जोडी बाँधिनेछ । लभस्टोरी कथावस्तुमा बन्न लागेको फिल्मको सम्पूर्ण छायांकन अष्ट्रेलियामा हुनेछ ।
