Nepal's No.1 Filmy Web Magazine
व्यक्तिगत जीवनमा आएको उतार-चढावपछि अभिनेत्री शिल्पा पोखरेल ५ वर्षदेखि फिल्मबाट टाढा देखिएकी छन् । उनी अभिनीत पछिल्लो फिल्म ‘भिलेन’ हो, जुन सन् २०१९ मा रिलिज भएको थियो । यसपछि उनले नयाँ फिल्म सम्झौता गरेको जानकारीमा छैन । बरु यो बीचमा उनले तीनवटा जति भोजपुरी फिल्ममा काम गरिन् । नेपाली फिल्ममा भने उनको कमब्याक अझै अनिश्चित छ ।
नेपाली फिल्म क्षेत्रको सर्वोच्च संस्था चलचित्र विकास बोर्डले फिल्मसम्बन्धी कानुनलाई संशोधन र एकीकरण गर्न बनेको विधेयकको मस्यौदामा प्राप्त राय सुझावको विषयमा सरोकारवालाहरूसँग छलफल अगाडि बढाएको छ । यही बिहीबार बोर्डमा फिल्मसम्बद्ध संघ-संस्थाका प्रतिनिधि तथा फिल्मकर्मीहरुको उपस्थितिमा माग र सम्बोधनका विषयमा केन्द्रित भएर छलफल गरिएको थियो ।
‘तीन पाते’, ‘फूलथुंगे रानी’, ‘लजाएर’, ‘गाला पुक्क’, ‘घुमी घुमी’, ‘बाफ’ जस्ता गीतबाट लोकप्रियताको उत्कर्षमा पुगेका गायक सुजन चापागाईँले फिल्ममा पनि हिट गीत दिएका छन् । उनको स्वर तथा संगीत रहेको फिल्म ‘बाबरी’को ‘चुलबुल चुलबुल’ गीत चर्चित बनेको थियो । अब उनी सन्तोष सेनको निर्देशन तथा निर्माणमा बन्न लागेको फिल्म ‘बलिदान’को गीतमा पनि गुञ्जिने भएका छन् ।
‘झोला’बाट निर्देशकको रुपमा अगाडि आएका यादव भट्टराईले ६ वर्षपछि निर्देशनमा कमब्याक गर्ने भएका छन् । सन् २०१८ मा रिलिज भएको फिल्म ‘भोर’पछि उनी निर्देशनमा सक्रिय थिएनन् । अब भट्टराईले फिल्म ‘झिल्को’बाट कमब्याक गर्न लागेका हुन् । बिहीबार बागमतीको दक्षिणी किनारामा अवस्थित गुहेश्वरी मन्दिरमा शुभमुहूर्त गर्दै फिल्म निर्माणको औपचारिक घोषणा गरियो ।
अभिनयमा पारंगत मानिने माओत्से गुरुङको डेब्यु निर्देशित फिल्म ‘दयारानी’को टिजर सार्वजनिक गरिएको छ । सवा एक मिनेट लामो टिजरमा निःसन्तान दाम्पतीको कथा भनिएको छ । श्रीमान्-श्रीमतीको भूमिकामा रहेका दयाहाङ राई र दीया पुनबीच सन्तान नहुँदा उत्पन्न परिस्थितिलाई चित्रित गरिएको टिजरमा सन्तानका लागि दीयाले दयाहाङलाई दोस्रो बिहे गर्न दबाब दिएको देखिन्छ ।
नेपालमा मौसम हेरेर फिल्मको रिलिज घोषणा गर्ने ट्रेन्ड छ । वर्षात र चिसो मौसममा फिल्म रिलिज गर्नु भनेको निर्माताले आफ्नै खुट्टामा बञ्चरो हान्नु मानिन्छ । यी दुवै मौसममा हल पुगेर दर्शकले फिल्म हेर्दैनन् भन्ने भ्रम धेरैमा छ । यसैले वर्षेनि यी दुई मौसममा नेपाली फिल्म रिलिजको खडेरी लाग्छ । यसपालिको पुषमा पनि जम्मा दुईवटा फिल्म रिलिज भए, ‘चित्रा’ र ‘पर्खि बसें तिमीलाई’ ।
