Nepal's No.1 Filmy Web Magazine
सन् २०१९ मा निर्देशक सञ्जय लीला भंसालीले अभिनेता सलमान खान र अभिनेत्री आलिया भट्टलाई मुख्य भूमिकामा लिएर फिल्म ‘इन्शाअल्लाह’ बनाउने तयारी गरेका थिए । तर पछि भंसाली र सलमानबीच श्रृजनात्मक मतभेदपछि फिल्मको काम अगाडि बढ्न सकेको थिएन । अब भंसाली ‘इन्शाअल्लाह’लाई फरक ढंगले बनाउने तयारीमा जुटेको भारतीय मिडियाहरुले उल्लेख गरेका छन् ।
‘लुट’बाट नेपाली फिल्मको परम्परागत कथावाचन शैलीको ट्रेन्ड नै बदलेका निश्चल बस्नेतले लगभग ६ वर्षपछि ‘दिमाग खराब’बाट निर्देशनमा पुनरागमन गरे । यस वर्षको तिहार छेको पारेर प्रदर्शनमा आएको यो फिल्म व्यावसायिक रुपमा सफल भएपछि उनले यसको सिक्वेल निर्माणको घोषणा गरिसकेका छन् । ‘दिमाग खराब २’लाई २०८३ सालको दशैंमा प्रदर्शन गर्ने उनको तयारी छ ।
नेपाल सरकारले हरेक वर्ष बजेट र नीति तथा कार्यक्रममा नेपाललाई विदेशी फिल्म छायांकन गन्तव्यका रुपमा विकास गर्ने घोषणा गर्दै आएको छ । तर, त्यो घोषणामा मात्रै सीमित देखिन्छ । छायांकन अनुमति लिन झन्झटिलो प्रक्रिया, बाटोघाटो सहज नहुनु आदि कारणले विदेशी मेकर नेपालमा छायांकन गर्न हच्किरहेका छन् । बरु विदेशमा नै नेपालको सेट बनाएर छायांकन गरिरहेका छन् ।
फिल्मलाई कला-संस्कृति तथा पर्यटन प्रवर्द्धनको माध्यमको रुपमा लिने गरिन्छ । यसैले विश्वका धेरै देशले फिल्मलाई संस्कृति तथा पर्यटन मन्त्रालयअन्तर्गत राखेका छन् । नेपालमा भने फिल्मलाई सञ्चार मन्त्रालयले हेर्छ । जसले गर्दा राज्यले फिल्मलाई प्रचारको माध्यमको रुपमा मात्र लिएको देखिन्छ । यसैले फिल्मलाई संस्कृति मन्त्रालयमा राख्नुपर्ने माग फिल्मकर्मीहरुले गर्दै आएका छन् ।
अघिल्लो वर्ष फिल्म ‘प्रेमगीत ३’ प्रदर्शनताका अभिनेता प्रदीप खड्काले चलचित्र विकास बोर्ड अध्यक्ष भुवन केसीप्रति लक्षित गरेर दिएका अभिव्यक्तिले दुवैबीच शीतयुद्धको स्थिति बनेको थियो । त्यसबेला आक्रामक देखिएका प्रदीपले भुवनको योग्यतामाथि प्रश्न उठाउँदै राजीनामा समेत मागेका थिए । त्यसको प्रतिजवाफमा भुवनले पनि विभिन्न मिडियामा प्रदीपलाई ‘फ्लप हिरो’ भनेका थिए ।
नेपाल अन्तर्राष्ट्रिय चलचित्र महोत्सव (निफ)को सातौँ संस्करण आगामी चैत १ गतेदेखि ५ गतेसम्म हुने भएको छ । मंगलबार नेपाल पर्यटन बोर्डको हलमा आयोजित एक कार्यक्रमका बीच आयोजक संस्था नेपाल फिल्म एन्ड कल्चरल एकेडेमीले महोत्सवमा प्रदर्शन हुने फिल्महरुको ‘लाइनअप’ पनि सार्वजनिक गर्यो । पाँच दिन चल्ने महोत्सवमा ४० देशका ८८ फिल्म प्रदर्शन गरिने भएको छ ।
