Nepal's No.1 Filmy Web Magazine
अभिनेता नाजिर हुसेनका लागि फिल्म ‘अगस्त्य’ विशेष छ । किनकि, यसमा उनी एक्सन भूमिकामा प्रस्तुत छन् । त्यसका लागि उनले २० केजी तौल समेत बढाएका थिए । अब उनको ‘क्यारेक्टर’ पोस्टर सार्वजनिक गरिएको छ । पोस्टरमा उनी फरक-फरक लुक्स र मनोभावमा प्रस्तुत छन् । कुनैमा उनी एक्सन मुडमा रगताम्मे भएर देखिएका छन् भने कुनैमा गम्भीर भावमा चित्रित छन् ।
फिल्म चल्नका लागि बजेट र स्टारकास्टभन्दा कन्टेन्ट बलियो हुनुपर्छ भन्ने उदाहरण बनेको छ, तेलुगू फिल्म ‘हनुमान’ । २५ करोड भारुमा निर्माण भएको फिल्ममा ठूलो स्टारकास्ट छैन । तर, यतिबेला फिल्मले बलियो ‘वर्ड अफ माउथ’को सहारामा भारतीय बक्स अफिसमा जबर्जस्त कमाई गरिरहेको छ । फिल्मले हिन्दीसहित पाँच भाषामा गरी ४ दिनमा ५५ करोडमाथिको कमाई गरेको छ ।
फिल्मी दुनियाँमा नआउँदै राम्रो ‘नेम-फ्रेम’ बनाएकी मोडल हुन्, नीति शाह । सन् २०१७ मा मिस इन्टरनेशनलको उपाधि जितेपछि उनको सौन्दर्यको चर्चा हुँदा धेरै फिल्मको अफर पुगेको थियो । त्यसमध्ये एक थियो, ‘ड्रिम्स’ । अभिनेता भुवन केसी स्वयंले उनलाई फिल्म अफर गरेका थिए । तर, त्यसबेला उनले उक्त फिल्म अस्वीकार गरिन् । र, साम्राज्ञी आरएल शाहले डेब्युको मौका पाइन् ।
यसपालिको माघे संक्रान्तिको अवसर पारेर एकपछि अर्को फिल्मको निर्माण घोषणा भैरहेको छ । ‘खुस्मा’ र ‘म्याउँ’पछि अब फिल्म ‘मोदीबेनी’ घोषणा गरिएको छ । सोमबार एक थिम पोस्टर सार्वजनिक गर्दै निर्माण घोषणा गरिएको फिल्मलाई शङ्कर कोइरालाले निर्देशन गर्नेछन् । उनले वर्षौंदेखि फिल्म, म्यूजिक भिडियो, विज्ञापन, वृत्तचित्र, वेब सिरिज आदिको सम्पादन गर्दै आइरहेका छन् ।
सफल फिल्म ‘जात्रा’ फेन्चाइजको तेस्रो श्रृंखला ‘महाजात्रा’को पहिलो गीत सार्वजनिक गरिएको छ । माघे संक्रान्तिको अवसर पारेर युट्युबमा सार्वजनिक गरिएको ‘आहा क्या राम्रो’ बोलको लोक शैलीको गीतमा मोडल आश्मा विश्वकर्मा र अभिनेता अरुण क्षेत्रीको आकर्षक नृत्य छ भने फिल्मका मुख्य अभिनेता विपिन कार्की र अभिनेत्री वर्षा राउत पनि रोमान्टिक भावमा नृत्य गर्दै प्रस्तुत छन् ।
आगामी फागुन २५ गतेबाट प्रदर्शनमा आउन लागेको अर्जुन सुवेदी निर्देशित फिल्म ‘रङ्गेली’को इन्ट्रो टिजर सार्वजनिक गरिएको छ । सोमबार माघे संक्रान्तिको अवसर पारेर युट्युबमा सार्वजनिक १ मिनेट ३७ सेकेण्ड लम्बाईको टिजरमा अभिनेताद्वय दयाहाङ राई र अर्पण थापाबीचको दुश्मनीलाई देखाइएको छ । अभिनेत्री मिरुना मगर भने शान्त स्वभावमा थारु युवतीको रुपमा चित्रित छिन् ।
