Nepal's No.1 Filmy Web Magazine
अभिनेता तथा गायक यश कुमारले २०७८ सालमा आफ्नो निर्देशन रहने नयाँ फिल्म ‘ए मन सुटुक्क भन्’मा अभिनेता पल शाहलाई मुख्य भूमिकामा अनुबन्धित गरेका थिए । त्यसको केही समयपछि पल एक घटनाका कारण जेल जानु पर्यो । तर पनि यश उनकै पखाईमा थिए । एकपटक तनहुँ कारागारमा भएको भेटमा पलले यशलाई बाहिर आएपछि फिल्ममा काम गर्ने वचन दिएका थिए ।
भनिन्छ, ‘धेरै महत्त्वाकांक्षाले जति चाँडो उचाइँमा पुर्याउँछ, त्यही रफ्तारमा तल झार्छ ।’ यसको ज्वलन्त उदाहरण सिताराम कट्टेल (धुर्मुस) र कुञ्जना घिमिरे (सुन्तली) हुन् । कलाकारितामा गर्विलो नाम बनाएका उनीहरु २०७२ सालमा भूकम्प गएपछि सामाजिक कार्यमा अग्रसर भए । र, चारवटा ठाउँमा एकिकृत बस्ती बसाले । त्यसबाट पाएको वाहवाहीले यो जोडीको महत्वाकांक्षा बढायो ।
अभिनेता प्रदीप खड्काको बहुभाषिक फिल्म ‘ऐरी’मा बलिउड कलाकारलाई पनि जोड्ने प्रयास भैरहेको छ । यसैक्रममा, बलिउड तथा भुटानी अभिनेता सांगे सेल्ट्रिम फिल्ममा मुख्य भूमिकामा देखिने भएका छन् । अंग्रेजी नयाँ वर्षको पूर्वसन्ध्यामा प्रदीपसहितको टिमले उनीसँग मुम्बईमा भेटघाट गर्दै फिल्म अफर गरेको थियो । उक्त भेटमै सांगे फिल्मलाई लिएर सकारात्मक देखिएका थिए ।
यतिबेला भारतसँगै नेपालमा फिल्म ‘टुवेल्थ फेल’को ठूलो चर्चा छ । विधु विनोद चोपडाको निर्देशन रहेको फिल्म ओटीटीमा रिलिज भएसँगै तारिफ मिलिरहेको छ । त्यसो त भारतीय बक्स अफिसमै ५० करोडमाथि कमाउँदै फिल्म ‘सुपरहिट’ सावित भएको थियो । एकातिर फिल्मको कन्टेन्टलाई लिएर चर्चा भइरहेको छ भने अर्कोतिर श्रद्धा पात्र अर्थात् मेधा शंकर ‘लाइमलाइट’मा आएकी छन् ।
अहिलेका ‘हटकेक जोडी’ दयाहाङ राई र मिरुना मगरबीच अब फिल्म ‘गाउँ नै रमाइलो’मा पनि सहकार्य हुने भएको छ । दिनेश राउतको निर्देशनमा बन्न लागेको फिल्मका लागि यसै साता मिरुनासँग सम्झौता गरिएको छ । दयाहाङ भने यसअघि नै अनुबन्धित भइसकेका छन् । फिल्ममा अभिनेता आर्यन सिग्देलको पनि मुख्य भूमिका रहनेछ । बुद्धि तामाङ पनि फिल्ममा जोडिएका छन् ।
गत वर्ष प्रदर्शनमा आएको अभिनेत्री स्वस्तिमा खड्का अभिनीत फिल्म ‘चिसो मान्छे’ नेपालको ओटीटी प्लेटफर्म भिडियोपसलमा रिलिज भएको छ । तर, तत्कालका लागि फिल्मलाई नेपालबाहिर मात्र सःशुल्क रुपमा हेर्न मिल्ने व्यवस्था गरिएको छ । विदेशमा बस्ने नेपाली दर्शकहरुलाई मध्यनजर गर्दै फिल्म सार्वजनिक गरिएको भिडियोपसलका सह-संस्थापक नेहा कार्कीले बताएकी छन् ।
