Nepal's No.1 Filmy Web Magazine
सौन्दर्य प्रतियोगिताको जगमा उभिएर धेरैले फिल्ममा डेब्यूको अवसर पाएका छन् । यो सूचीमा प्रियंका कार्कीदेखि सृष्टि श्रेष्ठसम्म पर्छन् । तर, एकाधको मात्र फिल्ममा राम्रो करिअर बनेको देखिन्छ । तर पनि सौन्दर्य प्रतियोगिताको बाटो भएर फिल्ममा प्रवेश गर्नेको संख्या घटेको छैन । सन् २०१७ की ‘मिस इन्टरनेशनल’ नीति शाह पनि यतिबेला फिल्ममा भविष्य बनाउने प्रयासमा छिन् ।
अभिनेता सविन श्रेष्ठ र अभिनेत्री अनु शाहबीचको सम्बन्ध खुल्ला किताबझैँ छ । विगत ७/८ वर्षदेखि प्रेम सम्बन्धमा रहेका उनीहरु सामाजिक सञ्जालदेखि मिडियासम्म खुलेरै एकअर्काप्रति प्रेम व्यक्त गरिरहेका हुन्छन् । २०७४ सालमा उनीहरुले कानुनी विवाह गरेको चर्चा समेत चलेको थियो । तर, दुवैले त्यसलाई अफवाह भनेका थिए । अब भने यो जोडी विवाहको तयारीमा देखिएको छ ।
यही पुष २७ गतेबाट प्रदर्शनमा आउन लागेको घनश्याम लामिछानेद्वारा निर्देशित फिल्म ‘चित्रा’को एक्सन केन्द्रित ट्रेलर सार्वजनिक गरिएको छ । २ मिनेट ४८ सेकेण्ड लम्बाईको ट्रेलरमा पारिवारिक कथाको पृष्ठभूमिमा एक्सन र प्रेम बुनिएको छ । फिल्मको मूल द्वन्द्व ट्रेलरमा प्रष्ट रुपमा नखुलाइए पनि बाबु-छोरीको सम्बन्धको कथा वरिपरि फिल्मको दृश्यभाषा निर्माण गरिएको बुझ्न सकिन्छ ।
अभिनेता नवराज श्रेष्ठले अब फिल्म निर्देशन गर्ने भएका छन् । उनले फिल्म ‘लुसु’बाट निर्देशनमा डेब्यू गर्न लागेका हुन् । दी पाल्म ग्रुपको ब्यानरमा निर्माण हुने फिल्मको निर्मातामा शेखर लामा छन् । शेखरले बुधबार चलचित्र विकास बोर्डबाट फिल्म निर्माणको इजाजत लिएका छन् । पदम विश्वकर्माको लेखन रहेको फिल्म सामाजिक विषयवस्तुमा आधारित भएर निर्माण हुने जनाइएको छ ।
फिल्ममा आफ्नो अब्बल कमिक टाइमिङका लागि चिनिएका अभिनेता श्रेयस तलपडेका लागि डिसेम्बर महिना मुश्किलपूर्ण रह्यो । फिल्म ‘वेलकम टू द जंगल’को छायांकनको क्रममा उनलाई हार्ट अट्याक भएको थियो । १० मिनेट जति उनको धड्कन रोकिएको थियो । एन्जियोप्लास्टीपछि अहिले उनको स्वास्थ्य सुधारन्मुख छ । फिल्मको छायांकनमा जोडिन भने उनलाई केही समय लाग्नेछ ।
अघिल्लो वर्ष अभिनेत्री वर्षा सिवाकोटीको जीवनमा ठूलो उतार-चढाव आयो । लगनगाँठो कसेको ९ महिनामा उनले कानुनी रुपमा सम्बन्ध टुंग्याएकी थिइन् । यो घटनाले उनलाई नराम्रोसँग विथोलेको थियो । जसले गर्दा उनी केही महिना फिल्म र मिडियाबाट समेत टाढा रहिन् । अब भने उनी फिल्ममा आफ्नो सक्रियता बढाउँदैछिन् । यतिबेला उनको पखाई फिल्म ‘काजी’लाई लिएर छ ।
