Nepal's No.1 Filmy Web Magazine
अचेल पुराना लोकप्रिय गीतलाई रिमेक गरेर फिल्ममा राख्ने होडबाजी छ । यसले फिल्मको हाइप बनाउन सघाउने विश्वास मेकरमा देखिन्छ । तर, रिमेक गीत सुप्रिनेभन्दा विग्रने धेरै छन् । संगीत र गायनको कमजोरीका कारण प्रायः रिमेक गीतले दर्शकको गाली खाएका छन् । हुन त कालजयी गीतलाई रिमेक गर्दा त्यही मीठास हुँदैन । तर, रिमेकको नाममा गीत बेच्ने काम मात्र भैरहेको छ ।
सुपरहिट फिल्म ‘कबड्डी २’को स्टारकास्ट अब फिल्म ‘रिमै’मा देखिने भएको छ । अभिनेता दयाहाङ राई र अभिनेत्री रिश्मा गुरुङ अनुबन्ध भैसकेको फिल्ममा अब सौगात मल्लको प्रवेश भएको छ । उनीसँग यसै साता निर्माण टिमले कागजी सम्झौता गरेको हो । उनको प्रवेश भएसँगै फिल्ममा कलाकारको ‘लाइनअप’ बलियो बनेको छ । यो फिल्मलाई खिल बहादुर गुरुङ्गले निर्देशन गर्नेछन् ।
निर्देशन र अभिनय फरक-फरक विधा भए पनि दुवैमा उपस्थिति जनाउने नेपाली फिल्ममा धेरै पात्र छन् । यसमध्येमा पर्छन्, बरुण अधिकारी । उनको परिचय निर्देशकको रुपमा बनेको छ । ‘प्रियसी’ र ‘ब्याड ब्वाई’ गरी दुई फिल्मको निर्देशन गरिसकेका उनको अभिनय मोह भने म्यूजिक भिडियोमा देखिँदै आएको छ । उनले आधा दर्जनभन्दा बढी म्यूजिक भिडियोमा काम गरिसकेका छन् ।
सफल फ्रेन्चाइज ‘जात्रा’को तेस्रो सिक्वेल ‘महाजात्रा’को फर्स्टलुक पोस्टर सार्वजनिक गर्दै कथावस्तुबारे महत्त्वपूर्ण खुलासा गरिएको छ । पोस्टरमा फिल्मका तीन मुख्य कलाकार विपिन कार्की, रविन्द्र सिंह बानियाँ र रविन्द्र झाले हरिवंश आचार्यलाई ह्विलचियरमा राखेर बाँधेको अवस्थामा चित्रण गरिएको छ । हरिवंशको ‘इन्टेन्स लुक’ र गेटअप हेर्दा उनी नेताको भूमिकामा हुनसक्ने देखिन्छ ।
विश्वमै सिरिज फिल्मप्रति मेकर र दर्शकको आकर्षण अद्भुत छ । यसैले सफल फिल्मको नाममा थुप्रै श्रृंखला निर्माण भएका छन् । नेपालमा पनि व्यावसायिक हिसाबले सिरिज फिल्म नै सर्वाधिक सफल देखिन्छन् । यसमा ‘ए मेरो हजुर’ सिरिज पनि पर्छ । यसका चारवटा श्रृंखला निर्माण भैसकेका छन् । तर, पहिलो श्रृंखलाको गर्विलो साख अरुले जोगाउन नसकेको टिप्पणी हुँदै आइरहेको छ ।
विश्वकै प्रतिष्ठित मानिने ‘भेनिस फिल्म फेस्टिभल’मा महत्त्वपूर्ण दुई अवार्ड जितेको नेपाली फिल्म ‘द रेड सुटकेस’को प्रदर्शन मिति घोषणा गरिएको छ । अंग्रेजी नयाँ वर्ष (२०२४)को अवसर पारेर सोमबार एक पोस्टर सार्वजनिक गर्दै आगामी चैत ३० गतेलाई प्रदर्शन मिति निश्चित गरिएको हो । यो मितिमा रामबाबु गुरुङ निर्देशित फिल्म ‘डिग्री माइला’ पनि प्रदर्शनमा आउने तयारीमा छ ।
