Nepal's No.1 Filmy Web Magazine
अभिनेत्री तथा राष्ट्रिय प्रजातन्त्र पार्टीकी केन्द्रीय सदस्य रेखा थापा पहिलो सन्तानलाई जन्म दिन अमेरिका गएपछि यतिबेला यो चर्चा र बहसको विषय बनिरहेको छ । सामाजिक सञ्जाल त दुई कित्तामा बाँडिएको छ । समर्थन र विरोध दुवै भैरहेको छ । यसपटक संघीय निर्वाचनमा उम्मेदवार समेत बनिसकेकाले रेखा बच्चा जन्माउनका लागि अमेरिका उड्दा राप्रपामाथि समेत प्रश्न उठेको छ ।
सन् २०१२ की मिस नेपाल शुभेक्षा खड्का अभिनेत्रीको रुपमा स्थापित हुन अझै पनि संघर्षरत छिन् । उनले अभिनय गरेका दुईवटा फिल्म ‘रणवीर’ र ‘प्रेमा’ प्रदर्शनमा आइसकेको भए पनि दुवै व्यावसायिक रुपमा सफल भएनन् । उनले अभिनयमा पनि आफ्नो छाप छाड्न सकेकी छैनन् । अब उनले अभिनय गरेको तेस्रो फिल्म ‘चित्रा’ यही पुष २७ गतेदेखि प्रदर्शनमा आउने तयारीमा छ ।
दर्शक हँसाउने चिनारी बनाएको ‘जात्रा’ श्रृंखलाको तेस्रो सिक्वेल ‘महाजात्रा’को छायांकन पूरा भएको छ । कात्तिक १५ गते शुभमुहूर्त गर्दै बुढानिलकण्डस्थित मह स्टुडियोबाट सुरु गरिएको फिल्मको छायांकन बिहीबार एक गीत र क्याइमेक्स दृश्य खिच्दै प्याकअप भएको छ । ५०औं दिनमा फिल्मको छायांकन सकिएको हो । यो फिल्म आगामी चैत ९ गतेदेखि प्रदर्शनमा आउने तयारीमा छ ।
अहिलेको समयका सर्वाधिक सफल जोडी दयाहाङ राई र मिरुना मगरको मुख्य भूमिका रहने फिल्म ‘घरज्वाइँ’को छायांकन सुरु नहुँदै प्रदर्शन मिति घोषणा गरिएको छ । शुक्रबार थिम पोस्टर सार्वजनिक गर्दै अर्को वर्षको असार २८ गतेलाई फिल्मको प्रदर्शन मिति निश्चित गरिएको हो । शुक्रबार फिल्म रिलिजको परम्परा भए पनि यो फिल्म भने बिहीबारबाटै प्रदर्शनमा आउने भएको छ ।
