Nepal's No.1 Filmy Web Magazine
घनश्याम लामिछानेको निर्देशनमा बनेको फिल्म ‘चित्रा’को टिजर सार्वजनिक गरिएको छ । सोमबार काठमाडौंमा एक कार्यक्रमका बीच सार्वजनिक गरिएको १ मिनेट २४ सेकेण्डको टिजर बाबु-छोरीको भावनात्मक सम्बन्धको वरिपरि घुमेको छ । एक्सनलाई पनि प्राथमिकता दिइएको टिजरले फिल्म बदलाको कथामा आधारित रहेको संकेत गर्छ । एक्सन कोरियोग्राफी टिजरमा आकर्षक छ ।
दिनेश राउतको निर्देशनमा बन्न लागेको फिल्म ‘पूजार सार्की’मा दुईजना अभिनेत्रीको प्रवेश भएको छ । फिल्म ‘महापुरुष’बाट डेब्यू गरेकी अञ्जना बराइली र ‘जारी’, ‘छक्का पञ्जा ४’ जस्ता फिल्ममा काम गरिसकेकी परीक्षा लिम्बु फिल्मको मुख्य भूमिकामा निश्चित भएका हुन् । दुई हप्ताअघि निर्माण टिमले अभिनेत्रीका लागि अडिसन आह्वान गरेको थियो । दुवैलाई अडिसनबाटै छानिएको हो ।
यो वर्षको ७ महिनालाई समीक्षा गर्दा नेपाली फिल्मका लागि सुखद् मान्न सकिन्छ । यो अवधिमा दुई दर्जन आसपास फिल्म रिलिज हुँदा ५ फिल्म सफल भए । र, यस वर्षको अन्त्यसम्म यो अंक १० पुग्न सक्ने सम्भावना प्रवल छ । एकसेएक ठूला विदेशी फिल्मसँग प्रतिस्पर्धाका बावजूद नेपाली फिल्मले व्यावसायिक सफलता हासिल गर्नु फिल्म क्षेत्रकै लागि एउटा ठूलो उपलब्धि मान्न सकिन्छ ।
यसमा दुईमत नै छैन कि पल शाह अहिलेको समयका राम्रो क्रेज भएका अभिनेता हुन् । विशेषगरी म्यूजिक भिडियोबाट उनी घर-घरमा चिनिएका छन् । एक घटनाका कारण एक वर्ष जेल जीवन विताए पनि उनको क्रेज खासै खस्किएको छैन । मेला-महोत्सवमा उनको नामले उर्लिने भीडले पनि यो प्रष्ट देखाउँछ । जेलमुक्त भएपछि उनी लगातार विभिन्न महोत्सवमा सहभागी भइरहेका छन् ।
कुनै बेला नेपाली फिल्म र थिएटर (नाटक) दुई ध्रुवका मानिन्थे । दुवै क्षेत्रले एकअर्काको अस्तित्व स्वीकार गर्न सकिरहेका थिएनन् । तर, यतिबेला अलगै परिदृश्य छ । फिल्म र थिएटर दुवै समान रुपमा अगाडि बढिरहेका छन् । र, दुवै क्षेत्रमा कलाकार आदान-प्रदानको श्रृंखला चलिरहेको छ । यसअर्थ फिल्म र थिएटरबीचको वर्षौंदेखिको अघोषित दूरी समयसँगै विस्तारै मेटिँदै गएको छ ।
आगामी माघ १९ गतेदेखि प्रदर्शनमा आउन लागेको राजु गिरीद्वारा निर्देशित फिल्म ‘नम्बरी सुन’को नयाँ गीत सार्वजनिक गरिएको छ । ‘तिमी बर म पीपल’ बोलको रोमान्टिक गीतमा प्रताप दास र अनु चौधरीको स्वर तथा अर्जुन पोखरेलको शब्द रचना र संगीत छ । गीतको भिडियोमा फिल्मका मुख्य अभिनेता गौरव पहारी र अभिनेत्री नम्रता सापकोटा एकअर्कासँग प्रेमिल देखिएका छन् ।
