Nepal's No.1 Filmy Web Magazine
निर्माताको रुपमा चिनिएका सन्तोष अधिकारी यही पुष २७ गतेबाट प्रदर्शनमा आउन लागेको फिल्म ‘चित्रा’बाट अभिनयमा आएका छन् । फिल्मको निर्माता समेत रहेका उनको अभिनयप्रति रुचि तात्तातो भने होइन । २२ वर्षदेखि फिल्मको हिरो बन्ने सुषुप्त चाहना पालेर बसेका थिए, उनी । कोरोना महामारीका कारण जारी लकडाउनको समयमा उनको त्यो चाहना उत्कट रुपमा प्रकट भयो ।
अभिनेत्री वर्षा राउत विवाहपछि व्यवसायमा पनि जोडिएकी छिन् । श्रीमान् संजोग कोइरालासँग मिलेर उनले ‘चिया अड्डा’सँगै केही रेस्टुरेन्ट व्यवसायमा हात हालेकी छन् । तर, सबै व्यवसाय लगभग संजोग एक्लैले हेरिरहेका छन् । वर्षा भने फिल्ममा व्यस्त छिन् । अब उनी आफैं ‘रिक्स’ लिएर विजनेश गर्न चाहन्छिन् । अर्थात् आफ्नो एकल लगानी र रेखदेखमा विजनेश गर्ने उनको योजना हो ।
नाबालिग बलात्कारको आरोप लागेका अभिनेता पल शाह (पूर्ण विक्रम शाह)लाई सफाइ दिने उच्च अदालत पोखराको फैसलालाई सर्वोच्च अदालतले दोहोर्याएर हेर्न अनुमति दिएको छ । उच्च अदालत पोखराको फैसलाविरुद्ध २०७८ गैंडाकोट ५ (ख)ले सर्वोच्च अदालतमा दोहोर्याएर हेरि पाउँ भन्दै निवेदन दिएको थियो । उक्त निवेदनमाथि मंसिर २२ गते सर्वोच्चमा सुनुवाइ भएको थियो ।
‘प्रकाश’ फेम्ड निर्देशक दिनेश राउतले २०७६ सालको कात्तिकमा ‘गाजलु’ निर्माता रोहित अधिकारीको एक बेनामे फिल्म सम्झौता गरेका थिए । दुवैको तयारी लभस्टोरी फिल्म बनाउने थियो । पछि दीपकराज गिरी समुहलाई भित्राउने गरी कमेडी विषयवस्तुमा फिल्म ‘छब्बीस करोड’ निर्माण गर्ने तयारी गरियो । स्क्रिप्ट समेत लेखियो । तर, अब यो फिल्मको भविष्य नै अन्योलमा परेको छ ।
बलिउड फिल्म ‘एनिमल’ दुई हप्तादेखि घरेलू बक्स अफिसमा गर्जिरहेको छ । भारतमै ४ सय ७६ करोडमाथि कमाई गरिरसकेको फिल्म व्यापारमा अझै बलियो देखिएको छ । फिल्मको ‘लाइफटाइम कलेक्सन’ भारतमा ६ सय करोड हाराहारी हुने प्रक्षेपण छ । फिल्मले व्यापारमा रेकर्ड बनाइरहँदा अभिनयलाई लिएर अभिनेताद्वय रणवीर कपूर र बबी देओलको चर्चा यतिबेला उत्कर्षमा छ ।
ग्याङस्टर फिल्म ‘षडङ्ग’ बाट निर्देशनमा राम्रो सम्भावना देखाएका सुरज सुनुवारले झन्डै ९ वर्षको विश्रामपछि फिल्म ‘खजुरे ब्रो’बाट पुनरागमन गर्ने भएका छन् । शुक्रबार विहान ललितपुरस्थित बंगलामुखी मन्दिरमा स्क्रिप्ट र क्ल्याप बोर्ड पूजा गर्दै फिल्मको शुभ साइत गरिएको छ । कमेडी कथावस्तुमा बन्न लागेको फिल्ममा अभिनेता महेश त्रिपाठी मुख्य भूमिकामा अनुबन्ध भैसकेका छन् ।
