Nepal's No.1 Filmy Web Magazine
कुनै समय फिल्म निर्माण र अभिनयमा प्रज्ञा जोशी सक्रिय देखिएकी थिइन् । ‘नोटबुक’, ‘सम्झना’, ‘सपुत’, ‘न बिर्सें तिमीलाई न पाएँ तिमीलाई’ जस्ता फिल्म निर्माण गरिसकेकी उनी केही वर्षयता भने सिरियलतिर आकर्षित छिन् । यतिबेला ‘सहारा’ नामक सिरियल निर्माण तथा अभिनयमा व्यस्त रहेकी उनी अब १७ वर्षअघिको लोकप्रिय टेलिसिरियल ‘सिन्दूर’ पुनः निर्माण गर्न लागिपरेकी छन् ।
गत वर्षको ‘सेमी हिट’ फिल्म ‘के घर के डेरा’लाई सिरिजको रुपमा अगाडि बढाइने भएको छ । शुक्रबार एक पोस्टरमार्फत् यसको दोस्रो श्रृंखलाको निर्माण घोषणा गरिएको छ । ‘के घर के डेरा : घर नं २’ नाम जुराइएको फिल्मलाई दीपेन्द्र के. खनालले निर्देशन गर्नेछन् भने ‘कर्णाली ब्लूज’ पुस्तकका लेखक बुद्धिसागरको लेखन रहेको छ । फिल्मलाई अर्को वर्षको तिहारमा रिलिज गरिँदैछ ।
नेपाली कलाकारहरु एकआपसमा मिलेर काम गर्दैनन् भन्ने चर्चा भैरहेको समयमा अहिले केही फिल्ममा स्थापित कलाकारहरुबीच सहकार्यको प्रयास भैरहेको छ । फिल्म ‘पूजार सार्की’मा तीन स्टारहरु आर्यन सिग्देल, प्रदीप खड्का र पल शाहले पहिलोपटक एकसाथ काम गर्दैछन् । अब प्रदीपको अर्को फिल्म ‘एक्टर’मा पनि नाम चलेकै कलाकारबीच सहकार्यको सम्भावना देखिएको छ ।
यस वर्षको ब्लकबस्टर फिल्म ‘जारी’ फेम्ड निर्देशक उपेन्द्र सुब्बाको दोस्रो फिल्म ‘मनसरा’को आगामी वर्षको बैशाख २१ गतेलाई प्रदर्शन मिति घोषणा गरिएको छ । निर्माण कम्पनी कबड्डी फिल्मस्ले शुक्रबार एक पोस्टर सार्वजनिक गर्दै प्रदर्शन मिति घोषणा गरेको हो । फिल्ममा ‘जारी’ जोडी दयाहाङ राई र मिरुना मगर मुख्य भूमिकामा छन् । पोस्टरमा मिरुनालाई चित्रण गरिएको छ ।
गत कात्तिक २४ गतेदेखि प्रदर्शन भएको फिल्म ‘दिमाग खराब’पछि हलमा नेपाली फिल्मको उपस्थिति शून्य थियो । ठूला बलिउड फिल्मका कारण एक महिनादेखि नयाँ नेपाली फिल्म प्रदर्शनमा आउन सकेका थिएनन् । शुक्रबारबाट भने दुई नेपाली फिल्म ‘दुई कदम’ र ‘जम्प’ एकसाथ प्रदर्शनमा आएका छन् । दुवै फरक विषयमा बनेका फिल्म हुन् । र, यसका लक्षित वर्ग पनि फरक छन् ।
म्यूजिक भिडियोमा स्थापित कुन्साङ बम्जनले फिल्म ‘दान्भी’बाट अभिनेताको रुपमा डेब्यूको मौका पाएका छन् । फिल्ममा उनको अपोजिटमा पूजा शर्मा छिन् । फिल्मको एक मात्र नायक भएकाले उनको चर्चा राम्रो हुने अनुमान गरिएको थियो । तर, पोस्टर र टिजरमा उनको उपस्थितिले निराश बनाउँछ । निर्देशक रुपेश तामाङले पूजालाई प्राथमिकता दिँदा कुन्साङ छायाँमा परेका छन् ।
