Nepal's No.1 Filmy Web Magazine
२०७९ सालको ब्लकबस्टर फिल्म ‘छक्का पञ्जा ४’को निर्माण समूह र निर्देशक हेमराज विसीबीचको विवाद सतहमा आएको छ । करिब ६ महिनादेखि अमेरिकामा रहेका निर्देशक विसीले निर्माण कम्पनी आमा सरस्वती मुभिज (दीपकराज गिरी समूहको ब्यानर)विरुद्ध काठमाडौं प्रहरीमा इमेलमार्फत् उजुरी दिएपछि फिल्मभित्रको विवाद बाहिरिएको हो । यसै साता प्रहरीले फिल्मको टिमलाई बोलाएर सोधपुछ गरेको थियो ।
चन्द्र पन्तको निर्देशनमा बनेको फिल्म ‘ह्रस्व दीर्घ’मा मुख्य भूमिकामा अभिनय गरेका अभिनेता तथा ज्योतिष हरिहर अधिकारीको क्यारेक्टर लुक्स सार्वजनिक गरिएको छ । बुधबार उनको जन्मदिनको अवसर पारेर सार्वजनिक पोस्टरमा उनी दुई फरक लुक्समा चित्रित छन् । एउटामा उनी निधारमा चन्दन लगाएर प्रस्तुत छन् भने अर्कोमा लामो कपालसहित ‘इन्टेन्स लुक’मा देखिएका छन् ।
अभिनेता अनमोल केसीको पहिलो फिल्म थियो, ‘होस्टेल’ । फिल्म सफल हुँदा उनी ‘स्टार’ कहलिए । यसको दोस्रो श्रृंखलाबाट भने सुशील श्रेष्ठ, स्वस्तिमा खड्का, नाजिर हुसेनको डेब्यू भयो । अब यो फिल्मको तेस्रो श्रृंखला पनि निर्माण हुने भएको छ । बुधबार एक पोस्टर सार्वजनिक गर्दै ‘होस्टेल ३’को घोषणा गरियो । यसलाई गायक समेत रहेका सशान कँडेलले निर्देशन गर्ने भएका छन् ।
फिल्म ‘प्रेमगीत’पछि दुई ध्रुव भएका अभिनेता प्रदीप खड्का र निर्देशक सुदर्शन थापाबीच ८ वर्षपछि फिल्ममा सहकार्य जुरेको छ । मंगलबार निर्देशक थापाले प्रदीपसँग नयाँ फिल्मका लागि लिखित सम्झौता गरेका छन् । आगामी दशैंपछि छायांकनको तयारी गरिएको फिल्म लभस्टोरी कथामा बन्ने जनाइएको छ । यसमा प्रदीपको जोडी अभिनेत्री पूजा शर्मासँग बाँधिने लगभग निश्चित छ ।
अभिनेता रमित ढुंगानाले आफ्नो डेब्यू निर्देशित फिल्म ‘नमेटिने घाउ’मा नेताहरुलाई पनि अभिनय गराएका छन् । मंगलबार बिहान पूर्वप्रधानमन्त्री तथा नेकपा एकीकृत समाजवादी माधवकुमार नेपालको दृश्य खिचियो । जडीबुटीस्थित कोटेश्वर बहुमुखी क्याम्पसमा भएको छायांकनमा उनले संवाद बोलेर अभिनय गरेका हुन् । अभिनय गर्नुअघि उनले अगरबत्ती बालेर क्यामेरा पूजा गरेका थिए ।
पछिल्लो समय फिल्म बनाउनभन्दा प्रचारमा बढी मिहिनेत गर्नुपर्ने अवस्था छ । प्रचारले नै फिल्मप्रति दर्शकलाई आकर्षित गराउने भएकाले यो महत्त्वपूर्ण छ । तर, अक्सर फिल्म यही चुक्ने गरेका छन् । जसले गर्दा राम्रा फिल्म पनि व्यापारमा कमजोर बनिरहेका छन् । हुन त, प्रचारले मात्र फिल्म सफल हुने होइन । यद्यपि, फरक शैलीको प्रचारले व्यापारमा केही हदसम्म फाइदा भने पुग्छ ।
