Nepal's No.1 Filmy Web Magazine
२०७२ सालको बैशाख ११ गते प्रदर्शनमा आएको फिल्म थियो, ‘रेशम फिलिली’ । ‘जालमा’ गीतको लोकप्रियताका कारण फिल्मले उत्साहजनक ओपनिङ गर्यो । तर, रिलिजको दोस्रो दिन अर्थात् बैशाख १२ गते नेपालमा विनाशकारी भूकम्प गएपछि फिल्म चल्नै पाएन । ९ वर्षपछि यसको सिक्वेल यतिबेला हलहरुमा प्रदर्शनरत छ । यसपटक पनि फिल्म रिलिज र भूकम्पको संयोग जुरेको छ ।
सफल फ्रेन्चाइज फिल्म ‘होस्टेल’लाई कलाकार जन्माउने कारखानाको रुपमा लिने गरिन्छ । यसको दुई श्रृंखलाबाट उदाएका केही कलाकार नेपाली फिल्मका ठूला ‘स्टार’ समेत बनेका छन् । त्यसमध्येका दुई नाम हुन्, अनमोल केसी र स्वस्तिमा खड्का । सुशील श्रेष्ठ, सलोन बस्नेत, गौरव पहारी, प्रकृति श्रेष्ठ, नाजिर हुसेन, शशी श्रेष्ठ जस्ता कलाकारहरु पनि ‘होस्टेल’ श्रृंखलाबाटै उदाएका हुन् ।
‘कबड्डी’ जोडी दयाहाङ राई र विजय बराललाई मुख्य भूमिकामा लिएर निर्माण हुन लागेको फिल्म ‘वरिष्ठ बलराम’को प्रदर्शन मिति घोषणा गरिएको छ । महाशिवरात्रिको अवसर पारेर बुधबार युट्युबमार्फत टाइटल टिजर सार्वजनिक गर्दै आगामी वर्षको लक्ष्मीपूजा अर्थात् कात्तिक ३ गतेलाई प्रदर्शन मिति घोषणा गरिएको हो । अहिलेसम्म उक्त मितिमा फिल्मलाई एकल रिलिजको अवसर छ ।
शिवरात्रिको अवसर पारेर बुधबारबाट प्रदर्शनमा आएको ९ वर्षअघिको फिल्म ‘रेशम फिलिली’को सिक्वेल ‘फेरि रेशम फिलिली’ले मंगलबार साँझ ललितपुरको लबिम मलमा आयोजित प्रिमियरमा उत्साहजनक प्रतिक्रिया पाएको छ । प्रिमियरमा उपस्थित प्रायःले फिल्मको विषय उठान, कलाकारहरुको अभिनय र नव-निर्देशक निरोज महर्जनको कथावाचन शैलीको प्रशंसामा शब्द खर्चिए ।
