Nepal's No.1 Filmy Web Magazine
करिब २ दशक अगाडिको सुपरहिट फिल्म ‘बादलपारी’को कालजयी गीत ‘कालो चश्मा लाऊ है मैयाँ विशाल बजारको’लाई रिमेक गरेर निर्देशक दीपक श्रेष्ठले आफू निर्देशित नयाँ फिल्म ‘पर्खि बसेँ तिमीलाई’मा समावेश गरेका छन् । शुक्रबार सार्वजनिक गीतमा सुरेन्द्र राणाको शब्द रचना तथा शम्भुजित बाँस्कोटाको संगीत छ । रिमेक भर्सनमा प्रमोद खरेल र मिलन नेवारको स्वर रहेको छ ।
दशैंको मौका पारेर फूलपातीबाट प्रदर्शनमा आएको फिल्म ‘पशुपति प्रसाद २ : भष्मे डन’को प्रचारको क्रममा लेखक तथा निर्माता खगेन्द्र लामिछानेले यसलाई ‘यूनिभर्स’को रुपमा लैजाने उद्घोष गरेका थिए । त्यसअनुरुप फिल्मको तेस्रो सिक्वेल घोषणा गरिएको छ । शुक्रबार काठमाडौंमा ‘पशुपति प्रसाद २’को सफलताको सेलिब्रेसन कार्यक्रममा ‘पशुपति प्रसाद ३’ निर्माणको घोषणा गरियो ।
दशैंको अवसरमा टिजर र गीत सार्वजनिक गर्दै आगामी मंसिर ८ गतेलाई प्रदर्शन मिति घोषणा गरिएको फिल्म ‘बिच्छेद’ पोस्टपोन्ड भएको छ । प्रचारका लागि पर्याप्त समय नपुगेको र पोस्ट प्रोडक्सनको काम भ्याउन अझै केही समय लाग्ने भएपछि फिल्मको रिलिज पोस्टपोन्ड गरिएको निर्देशक सत्यराज चौलागाईँले जानकारी दिए । तिहारपछि नयाँ प्रदर्शन मिति निश्चित गरिने उनको भनाई छ ।
निश्चल बस्नेतले झण्डै ६ वर्षपछि निर्देशनमा कमब्याक गरेको फिल्म ‘दिमाग खराब’को रिलिजको पूर्वसन्ध्यामा आयोजित प्रिमियरमा फिल्मकर्मीदेखि राजनीतिकर्मीसम्मले प्रशंसा गरेका छन् । बिहीबार साँझ ललितपुरस्थित लबिम मलको क्यूएफएक्स हलमा भएको प्रिमियरमा प्रायःले फिल्मले उठान गरेको कथावस्तुको प्रशंसामा शब्द खर्चिए । फिल्म राम्रो बनेको अधिकांशको प्रतिक्रिया थियो ।
‘लुट’बाट नेपाली फिल्मको ‘ट्रेन्ड सेटर’ निर्देशकको पहिचान बनाएका निश्चल बस्नेतले ६ वर्षपछि पुनरागमन गरेको फिल्म ‘दिमाग खराब’ले तिहारको छेको पारेर शुक्रबारबाट प्रदर्शन थालेको छ । निश्चलकै कारण ठूलो अपेक्षा राखिएको फिल्मले बक्स अफिसमा राम्रो अंक जोड्ने प्रक्षेपण गरिएको छ । देशभरका मल्टीप्लेक्सहरुले दिएको शोज हेर्दा फिल्मलाई बम्पर ओपनिङको अवसर छ ।
अभिनेत्री तथा मोडल दीपाशा बीसीको निधन भएको छ । २८ वर्षको उमेरमा बिहीबार दिउँसो थापाथलीस्थित नर्भिक अस्पतालमा उनको निधन भएको हो । स्वास्थ्यमा समस्या आएपछि उनी बुधबार राति अस्पताल भर्ना भएकी थिइन् । उनको मृत्युको कारण खुलेको छैन । उनको निधनको खबर सार्वजनिक भएसँगै फिल्मकर्मीहरुले सामाजिक सञ्जालमार्फत् श्रद्धाञ्जली अर्पण गरेका छन् ।
