Nepal's No.1 Filmy Web Magazine
अन्तर्राष्ट्रिय नेपाली कलाकार समाज (इनास) नेपाल च्याप्टरको अध्यक्षमा गीतकार एवं सञ्चारकर्मी दयाराम पाण्डेय निर्वाचित भएका छन् । बुधबार काठमाडौंमा आयोजित अधिवेशनबाट पाण्डेय २ वर्षका लागि अध्यक्षमा निर्वाचित भएका हुन् । उनी यसअघि इनास नेपालको तदर्थ समितिको संयोजकमा थिए । २ दशकभन्दा लामो समयदेखि सञ्चारकर्ममा आबद्ध उनका धेरै गीत लोकप्रिय छन् ।
अभिनेत्री केकी अधिकारीले २०६८ सालमा फिल्म ‘स्वर’बाट डेब्यू गरेकी थिइन् । पहिलो फिल्मदेखि नै अभिनयको वाहवाही बटुल्दै आएको भए पनि उनले सफलताको महसुस भने २०७६ सालमा प्रदर्शनमा आएको फिल्म ‘छ माया छपक्कै’बाट मात्रै गर्न पाइन् । यो बीचमा उनका करिब २५ वटा फिल्म असफल भए । ‘छ माया छपक्कै’ले भने उनलाई सफलताको ढोका नै खुलाइदिएको छ ।
निर्देशक नारायण रायमाझी र निर्माता राजेश बंशलबीच तीनवटा फिल्म ‘गोर्खा पल्टन’, ‘परदेशी’ र ‘परदेशी २’मा जुगलबन्दी भयो । यी तीनवटै फिल्म सफल ठहरिए । ‘परदेशी २’ले त अघिल्ला दुई फिल्मभन्दा ठूलो व्यापार गरेको छ । फिल्मले दशैं विदाको राम्रो फाइदा उठाएको थियो । चौंथो हप्ताको संघारमा रहेको फिल्मले पूर्वका हलहरुमा अझै पनि उल्लेख्य मात्रा दर्शक पाइरहेको छ ।
सुपरहिट फिल्म ‘जात्रा’को तेस्रो श्रृंखलाको रुपमा निर्माण हुन लागेको फिल्म ‘महाजात्रा’को छायांकन थालिएको छ । बुधबार बिहान काठमाडौंको स्वयम्भूस्थित बिजेश्वरी मन्दिरमा क्यामेरा, क्ल्याप र स्क्रिप्ट पूजा गरेपछि बुढानीलकण्ठमा निर्माण गरिएको सेटबाट फिल्मको छायांकन सुरु गरिएको हो । फिल्मको मुहूर्त समारोहमा निर्देशक-निर्मातादेखि कलाकारहरुको उपस्थिति रहेको थियो ।
एउटा उखान छ, ‘कहिले काहीँ नपत्याउने खोलाले पनि बगाउँछ ।’ शुक्रबारबाट प्रदर्शनमा आएको बलिउड फिल्म ‘१२औं फेल’को हकमा यो चरितार्थ भैरहेको छ । प्रदर्शनपूर्व सामान्य आँकलन गरिएको फिल्मले जबर्जस्त ‘माउथ पब्लिसिटी’का कारण व्यापारिक रफ्तार बढाउँदै लगेको छ । यतिसम्म कि अभिनेत्री कंगना रनावत अभिनीत फिल्म ‘तेजस’लाई समेत कमाईमा पछाडि पारेको छ ।
निर्देशक निश्चल बस्नेतको पर्याय बनेको फिल्म हो, ‘लुट’ । यो फिल्मले उनलाई जुन ‘नेम र फ्रेम’ दियो, त्यो अभूतपूर्व थियो । नेपाली फिल्मको परम्परागत कथावाचन शैलीको रुपरेखा नै बदलेका उनी ‘लुट’बाट सेलिब्रेटी निर्देशक कहलिए । उनको क्रेज अहिले पनि कुनै स्टारको भन्दा कम छैन । र, उनका फिल्मप्रति दर्शकहरुमा जुन खालको विश्वास र अपेक्षा देखिन्छ, त्यो ‘लुट’कै प्रतिफल हो ।
