Nepal's No.1 Filmy Web Magazine
ओस्कार अवार्डको ९६औँ संस्करणमा नेपालबाट सिफारिस भएको फिल्म ‘हल्कारा’मा उम्दा अभिनय गरेकी विनिता थापा मगरको नयाँ फिल्म ‘जम्प’को प्रदर्शन मिति घोषणा गरिएको छ । आशुतोष ध्वज कार्कीको लेखन तथा निर्देशन रहेको फिल्मको मंगलबार एक पोस्टर सार्वजनिक गर्दै आगामी मंसिर २९ गतेलाई प्रदर्शन मिति निश्चित गरिएको हो । यो मितिमा फिल्म ‘दुई कदम’ पनि छ ।
फिल्मको सफलता कलाकारमा निर्भर रहँदैन । यदि रहन्थ्यो भने अभिनेत्री वर्षा सिवाकोटीले ७ वर्ष पर्खिनु पर्दैन थियो । सन् २०१६ मा रिलिज भएको फिल्म ‘पशुपति प्रसाद’पछि उनले हिटको महसुस नै गर्न पाएकी थिइनन् । यो अवधिमा उनले मुख्य भूमिकामा अभिनय गरेका झण्डै एक दर्जन फिल्म प्रदर्शनमा आए । यसमध्ये उनले ठूलो आशा गरेका फिल्मले समेत सफलता देख्न पाएनन् ।
चाडपर्वमा फिल्म रिलिज व्यावसायिक हिसाबले राम्रो मानिन्छ । यसपालिको दशैंमा रिलिज भएका दुई नेपाली फिल्म ‘परदेशी २’ र ‘पशुपति प्रसाद २ : भष्मे डन’को व्यापारले पनि यसलाई प्रमाणित गर्छ । यी दुवै फिल्मले दशैं विदाको फाइदा राम्रैसित उठाए । र, व्यावसायिक रुपमा पनि सफल ठहरिए । दशैंको माहोलमा दुवै फिल्मप्रति देशभरका हलमा दर्शकको ठूलो क्रेज देखिएको थियो ।
बक्स अफिसका हिट मेशिन कहलिएका सुपरस्टार दयाहाङ राईको यस वर्ष लगातार फिल्महरु रिलिज भैरहेका छन् । बैशाखदेखि भदौसम्म उनको चारवटा फिल्म प्रदर्शनमा आइसकेका छन्, जसमध्ये दुईवटा व्यावसायिक रुपमा सफल भए । अब यही कात्तिक २४ गतेबाट उनको नयाँ फिल्म ‘दिमाग खराब’ रिलिज हुँदैछ । यस्तै, माघमा उनको अर्को फिल्म ‘दयारानी’ रिलिज हुने भएको छ ।
नेपालमा घोषणामा मात्र सीमित भएका फिल्मको संख्या ठूलो छ । घोषणा गरिएका एकाध फिल्म मात्र छायांकनमा जान्छन् । कति फिल्म छायांकनको क्रममा बजेट अभावले अलपत्र समेत परेका छन् । फिल्मको घोषणामा भने ठूलै तामझाम गरिन्छ । कतिपयले पाँचतारे होटलमा समेत फिल्मको घोषणा राख्ने गर्छन् । तर, नेपाली फिल्मका लागि पाँचतारे होटल ‘अनलक्की’ देखिँदै आएको छ ।
मंगलबारबाट सुरु भएको आईसीसी टी-२० विश्वकपको एसिया छनोटमा सिंगापुरविरुद्धको खेलमा ७४ रन बनाएका नेपाली क्रिकेट टिमका ओपनर कुशल भुर्तेललाई फिल्म ‘दिमाग खराब’ले ‘म्यान अफ द म्याच’ बन्न सफल भएकोमा पुरस्कार प्रदान गरेको छ । नेपाल क्रिकेट संघ (क्यान)का अध्यक्ष चतुरबहादुर चन्द र फिल्मका निर्माता रौनक बिक्रम कडेलले उनलाई ५० हजार प्रदान गरे ।
