Nepal's No.1 Filmy Web Magazine
दशैंको फूलपाती (कात्तिक ४ गते)बाट प्रदर्शनमा आउन लागेको दीपेन्द्र के. खनालद्वारा निर्देशित फिल्म ‘पशुपति प्रसाद २ : भष्मे डन’को मार्मिक भावको गीत सार्वजनिक गरिएको छ । बिहीबार युट्युबमा सार्वजनिक ‘मेरो शिव’ बोलको गीतमा फिल्मका प्रमुख पात्रहरु विपिन कार्की, स्वस्तिमा खड्का र सौगात मल्ल भावुक मुद्रामा चित्रित छन् । यस गीतले उनीहरुको मनोभाव बोलेको छ ।
कोरोना महामारीको समयमा महिनौं फिल्मको काम पूर्ण रुपमा ठप्प भएपछि धेरै कलाकारहरुले वैकल्पिक पेशा सुरु गरेका छन् । प्रायःले रेस्टुरेन्टमा लगानी गरेका छन् भने कसैले रियल स्टेट, शेयर कारोबार, बुटिक आदिमा हात हालेका छन् । यस्तैमा, फिल्म ‘कृ’बाट अभिनेत्रीको रुपमा डेब्यू गरेर बलिउड प्रवेशका लागि मुम्बईमा संघर्षरत अदिती बुढाथोकीले पनि व्यवसाय थालेकी छन् ।
गएको स्थानीय तह र संघीय निर्वाचनमा निर्देशक तथा अभिनेता निश्चल बस्नेतले स्वतन्त्र र पार्टीगत केही उम्मेदवारको पक्षमा खुलेरै सामाजिक सञ्जालबाट मत मागेका थिए । विशेषगरि, काठमाडौं महानगरपालिकाको मेयरमा बालेन शाहलाई जिताउन उनी सक्रिय देखिएका थिए । उनी आफैं राजनीतिप्रति चासो राख्छन् । यसैले उनका फिल्ममा कुनै न कुनै रुपमा राजनीतिक जोडिएको हुन्छ ।
विस्तारै विदेशमा नेपाली फिल्मले बलियो उपस्थिति जनाउन थालेको छ । कुनै बेला विन्ती गरेर टिकट बिक्री गरिन्थ्यो र रेस्टुरेन्ट या कम्यूनिटी हलमा प्रोजेक्टरबाट फिल्म देखाइन्थ्यो । अहिले विदेशी फिल्मसरह बक्स अफिसमै रिलिजको हैसियत नेपाली फिल्मले बनाइसकेको छ । र, केही फिल्मले विदेशमा राम्रो कमाई पनि गरेका छन् । ‘कबड्डी ४’, ‘जारी’, ‘महापुरुष’ यसका उदाहरण हुन् ।
एउटा घटनाका कारण एक वर्ष जेल जीवन विताएर गत फागुनमा रिहा भएका अभिनेता पल शाहले फिल्म ‘मायावी’बाट कमब्याक गर्दैछन् । फिल्ममा उनको जोडी अभिनेत्री दीपिका प्रसादसँग बाँधिएको छ । दशैंका लागि ‘ब्रेक’ लिँदै बुधबारबाट फिल्मको पहिलो चरणको छायांकन सकिएको छ । दोस्रो चरणको छायांकन दशैंलगत्तै पोखरा र भारतको बैंग्लोर तथा मुम्बईमा हुने जनाइएको छ ।
एकातिर ब्रान्ड भ्यालु र अर्कोतिर दशैंको ६ दिन लामो विदा भएकाले फूलपाती अर्थात् कात्तिक ४ गतेबाट प्रदर्शनमा आउन लागेको फिल्म ‘पशुपति प्रसाद २ : भष्मे डन’ले बम्पर कमाई गर्ने निश्चित छ । फिल्मप्रति दर्शकको क्रेजलाई मध्यनजर गर्दै मंगलबारदेखि देशभरका अधिकांश मल्टीप्लेक्सहरुले बुकिङ खुलाइसकेका छन् । र, टिकट सुरक्षित गर्नेहरुको संख्या ठूलो मात्रा देखिएको छ ।
