Nepal's No.1 Filmy Web Magazine
‘जात्रा’ र ‘जात्रै जात्रा’को सफलतापछि अब यसको तेस्रो श्रृंखला निर्माण गरिँदैछ । कात्तिक १३ गतेबाट छायांकन सुरु गर्न लागिएको फिल्ममा अघिल्लो श्रृंखलाका कलाकारहरु विपिन कार्की, रविन्द्र झा, रविन्द्र सिंह बानियाँ, वर्षा राउत नै दोहोरिँदैछन् भने थपिनेमा हरिवंश आचार्य छन् । अब थप तीन कलाकारहरु दिव्यदेव पन्त, गौमाया गुरुङ र शिशिर बाङ्गदेल पनि फिल्ममा जोडिएका छन् ।
दशैंको अवसर पारेर असोज २६ गतेबाट प्रदर्शनमा आएको नारायण रायमाझीद्वारा निर्देशित फिल्म ‘परदेशी २’को कलेक्सन रिपोर्ट सार्वजनिक गरिएको छ । निर्माताले मंगलबार सार्वजनिक गरेको पोस्टरमा फिल्मको चार दिने (सोमबारसम्म) कलेक्सन १ करोड ९८ लाख ग्रस उल्लेख छ । अर्थात् निर्माताले झन्डै २ करोड दाबी गरेका छन् । शनिबार र आइतबार फिल्मको कमाई राम्रो थियो ।
सत्यराज चौलागाईंको निर्देशन रहेको फिल्म ‘बिच्छेद’को टिजर सार्वजनिक गरिएको छ । मंगलबार युट्युबमा सार्वजनिक १ मिनेट ११ सेकेण्ड लम्बाईको टिजर मुकुन भुषाल र लक्ष्मी बर्देवाको वरिपरि घुमेको छ । डिभोर्स गरिसकेका मुकुन र लक्ष्मीको जीवनमा आउने उतार-चढावको कथामा फिल्म केन्द्रित रहेको टिजरले संकेत गर्छ । फिल्म आगामी मंसिर ८ गतेबाट प्रदर्शनमा आउँदैछ ।
बडा दशैंको मौका पारेर कात्तिक ४ गते (फूलपाती)बाट प्रदर्शनमा आउन लागेको दीपेन्द्र के. खनालद्वारा निर्देशित फिल्म ‘पशुपति प्रसाद २ : भष्मे डन’को टिमले सोमबार साँझ पशुपतिमा क्षमा पूजा गरेको छ । ६५ दिनसम्म फिल्मको छायांकन पशुपति क्षेत्रमा भएको थियो । त्यसक्रममा केही गल्ती-कमजोरी भएको हुनसक्ने भन्दै माफी माग्न सन्ध्याकालिन आरतीमा क्षमा पूजा गरिएको हो ।
नेपाल म्यूजिक भिडियो निर्देशक समाजले म्यूजिक भिडियोलाई फिल्मको परिभाषामा समेटेर यस क्षेत्रको पनि अभिभावक बन्न चलचित्र विकास बोर्डको ध्यानाकर्षण गराएको छ । सोमबार समाजका कार्यवाहक अध्यक्ष देवेन्द्र पाण्डे, सह-सचिव समन अधिकारी, कोषाध्यक्ष बबिता श्रेष्ठ, सदस्यहरू दयाराम घिमिरे, देवेन्द्र कुँवर र देवराज आचार्य आदिले अध्यक्ष भुवन केसीलाई म्यूजिक भिडियोको क्षेत्रलाई बोर्डअन्तर्गत राख्न आग्रह गर्दै ध्यानाकर्षण पत्र बुझाएका हुन् ।
