Nepal's No.1 Filmy Web Magazine
हलको विल्कपको रुपमा विश्वमा नै सशक्त रुपमा उदाएको ओटीटी प्लेटफर्मको संख्या नेपालमा पनि बढ्न थालेको छ । यसबीच, फिल्मसम्बन्धी अध्यापन गराउँदै आइरहेको कान्तिपुर फिल्म एकेडेमीले पनि ओटीटी प्लेटफर्म ‘कान्तिपुर सिनेमाज्’ सुरु गरेको छ । सोमबार काठमाडौंमा एक कार्यक्रमबीच पूर्व प्रधानमन्त्री केपी शर्मा ओलीले उक्त प्लेटफर्मको औपचारिक रुपमा सुरुवात गरे ।
यो वर्षका लागि बलिउडको अर्को ठूलो फिल्म ‘टाइगर ३’ दीपावलीको छेको पारेर प्रदर्शनमा आउँदैछ । अभिनेता सलमान खानको मुख्य भूमिका रहेका कारण फिल्मको नेपालमा समेत ठूलो पखाई छ । फिल्मलाई निर्माण कम्पनी यशराजले अक्टोबर १० अर्थात् कात्तिक २४ गतेबाट प्रदर्शन गर्न लागेको थियो । तर, अब २ दिन पछि (कात्तिक २६ गते)बाट फिल्म प्रदर्शनमा आउने भएको छ ।
बलिउड सुपरस्टार सलमान खान स्टारर फिल्म ‘टाइगर ३’को ट्रेलर सार्वजनिक गरिएको छ । सोमबार निर्माण कम्पनी यशराजको युट्युब च्यानलबाट सार्वजनिक २ मिनेट ५१ सेकेण्ड लम्बाईको ट्रेलरमा सलमान ‘हाइलाइट’ छन् । ‘टाइगर’को अघिल्लो श्रृंखलामा देशका लागि लडेको टाइगर पात्र यसपटक परिवार बचाउन संघर्ष गरिरहेको देखिन्छ । ट्रेलरमा सलमानको एक्सन बढी हाबी छ ।
कुनै बेला युट्युबप्रति देखिएको क्रेज केही वर्षयता टिकटकमा सरेको छ । अहिले नेपालीहरुमाझ टिकटक सर्वाधिक लोकप्रिय छ । नेपालको ठूलो जनसंख्या टिकटकमै केन्द्रित हुन थालेपछि नेपाली फिल्मको प्रचारका लागि पनि यो एउटा राम्रो प्लेटफर्म बनेको छ । टिकटकमा फिल्मका गीतदेखि टिजर-ट्रेलरका दृश्य र संवाद हिट भैदियो भने त्यसले प्रचारमा ठूलो सघाउ पुर्याउने गरेको छ ।
फिल्म प्रदर्शनअघि प्रिभ्यू भिडियो सार्वजनिक गर्ने प्रचलन नेपालमा खासै विकसित भैसकेको छैन । फूलपाती (कात्तिक ४ गते)बाट प्रदर्शनमा आउन लागेको फिल्म ‘पशुपति प्रसाद २ : भष्मे डन’को भने रिलिजको ६ दिन अगाडि नै झन्डै ४ मिनेट लम्बाईको प्रिभ्यू भिडियो सार्वजनिक गर्दै अभिनेता विपिन कार्कीले निर्वाह गरेको भष्मे डन पात्रको स्वभाव र रवाफलाई चित्रित गर्न खोजिएको छ ।
