Nepal's No.1 Filmy Web Magazine
सुपरस्टार दयाहाङ राई अभिनीत फिल्म ‘राजागञ्ज : द स्काइ इज माइन’ले नर्वेजियन फिल्म इन्स्टिच्युटको सोर्फोन्डबाट ७६ लाख ५२ हजार रुपैयाँ (५७ हजार ६०० अमेरिकी डलर) फन्ड जितेको छ । चर्चित अमेरिकी म्यागेजिन भेराइटीले ‘राजागञ्ज’ उक्त फन्ड जित्ने नौं फिल्ममध्ये एक रहेको उल्लेख गरेको छ । यो फिल्मको अघिल्लो महिना मात्र जनकपुर क्षेत्रमा छायांकन सकिएको थियो ।
गायनमा ठूलो ‘नेम-फ्रेम’ कमाएका प्रकाश सपूत हिरो बनेको पहिलो फिल्म ‘परदेशी २’ प्रदर्शनको मैदानमा उत्रिएको छ । दशैंको अवसर पारेर शुक्रबारबाट प्रदर्शन थालेको यो फिल्मप्रति ठूलो अपेक्षा राखिएको छ । किनकि, ७ वर्षअघि यसको पहिलो श्रृंखला सुपरहिट भएको थियो । नारायण रायमाझीको निर्देशन रहेको फिल्मले युवापुस्तामा बढ्दो विदेश मोहको कथालाई पेश गरेको छ ।
कोरोना महामारीभन्दा अघि नेपाली निर्मातालाई आम्दानीका लागि हल, युट्युब र विदेश प्रदर्शनको मात्र भर थियो । सीमित मात्रामा ओटीटी प्लेटफर्म भए पनि यसतर्फ दर्शकको उत्तिधेरै आकर्षण थिएन । मेकरहरुले पनि यसलाई गम्भीर रुपमा लिएका थिएनन् । तर, कोभिडमा ओटीटीप्रति विश्वमै क्रेज बढ्यो । र, ‘आइसियू’मा रहेको नेपालको ओटीटी प्लेटफर्म ‘सिनेमाघर एप’ पनि चम्कियो ।
निश्चल बस्नेतले ६ वर्षपछि निर्देशनमा पुनरागमन गरेको फिल्म ‘दिमाग खराब’ आगामी कात्तिक २४ गतेदेखि प्रदर्शनमा आउँदैछ । बलियो स्टारकास्ट र निश्चलको निर्देशनमा कमब्याकका कारण फिल्मप्रति दर्शकमा उच्च अपेक्षा छ । र, व्यावसायिक सफलताको सम्भावना पनि प्रवल देखिन्छ । तर, यो फिल्मलाई बलिउड सुपरस्टार सलमान खानको फिल्म ‘टाइगर ३’ ठूलो चुनौती बन्न सक्छ ।
२०७२ सालमा प्रदर्शनमा आएको ‘पशुपति प्रसाद’ नेपाली फिल्मकै लागि एउटा ‘माइलस्टोन’ मानिन्छ । दृश्यभाषादेखि कलाकारको अभिनयसम्म, हरेक हिसाबमा फिल्म उत्कृष्ट ठहरिएको थियो । यो फिल्मले एउटा ‘आइकनिक’ क्यारेक्टर समेत जन्मायो, ‘भष्मे डन’ । जबकि, फिल्ममा यो पात्र सहायक मात्र थियो । र, चरित्रको हिसाबले नकारात्मक । तर, दर्शकलाई यही पात्र ‘प्रिय’ बन्यो ।
एक समय नेपाली फिल्ममा बलशाली उपस्थिति जनाएकी रेखा थापा २०७५ सालमा आएको फिल्म ‘मालिका’पछि राजनीतिमा बढी सक्रिय भइन् । राष्ट्रिय प्रजातन्त्र पार्टीको महाधिवेशनमा महामन्त्री पदमा उठिन् । यसपछि उनले सोही पार्टीबाट संघीय निर्वाचनमा मोरङ क्षेत्र नं. ३ बाट सांसद् पदमा उम्मेदवारी दिएकी थिइन् । अब उनी ५ वर्षपछि फिल्म निर्माण र अभिनयमा फर्किएकी छन् ।
