Nepal's No.1 Filmy Web Magazine
निर्देशक निश्चल बस्नेतले डेब्यू फिल्म ‘लुट’बाट नेपाली फिल्ममा परम्परागत कथावाचनको शैली नै परिवर्तन गरिदिए । नभए नेपाली फिल्म एकैखालको कथावाचनमा चलिरहेको थियो । नयाँ प्रयोग नै हुन सकेको थिएन । अर्कोतिर, देशभित्रै बजार खस्किँदो थियो । ‘लुट’ले घरेलू बजारको आकार मात्र देखाएन, विदेशमा समेत सम्भावना देखाइदियो । त्यसैले ‘लुट’लाई ‘ट्रेन्ड सेटर’ फिल्म भनिन्छ ।
फिल्म ‘रावायण’को विवाद प्रहरी हुँदै अदालतसम्म पुगिसकेको छ । निर्देशक सुदर्शन थापाकी श्रीमती तथा निर्मात्री सुप्रिया कटुवालले आपराधिक विश्वासघातको आरोपमा दिएको उजुरीको आधारमा पक्राउ परेर अभिनेता अनमोल केसी आइतबार रिहा समेत भैसकेका छन् । तर, विवाद टुंगिसकेको छैन । निर्माताले अनमोलसँग १ करोड १५ लाख भरपाईको माग गरेका छन् । प्राविधिकदेखि विभिन्न पक्षमा उक्त रकम खर्च भएको बताइएको छ ।
‘कबड्डी’ र ‘दुई नम्बरी’को हिट जोडी दयाहाङ राई र सौगात मल्लले एकसाथ अभिनय गरेको नयाँ फिल्म ‘हात्तीछाप’ आगामी माघ २६ गतेबाट प्रदर्शनमा आउने तयारीमा छ । उनीहरुबीचको सहकार्यकै कारण फिल्म व्यवसायिक रुपमा सफल हुने आधार बलियो छ । अघिल्लो महिना सार्वजनिक गरिएको सौगातको ‘बोतल राजा’ अवतारले फिल्मप्रति नै दर्शकमा कौतुहलता सृजना गरेको छ ।
सुदर्शन थापाको निर्देशनमा फिल्म ‘रावायण’मा काम गर्ने भनेर अभिनेता अनमोल केसीले गत साउनमा पेश्कीबापतको १० लाखको चेक बुझेका थिए । तर, दुवै पक्षबीच कागजी सम्झौता भएको थिएन । विश्वासको भरमा काम अगाडि बढेको थियो । जब निर्देशक थापा सुटिङमा निस्कन तयार भए तब अनमोल काम गर्न मानेनन् । त्यसपछि उत्पन्न भएको विवाद प्रहरी हुँदै अदालतसम्म पुग्यो ।
‘लुट’ फेम्ड निर्देशक निश्चल बस्नेतको निर्देशकीय कमब्याक फिल्म ‘दिमाग खराब’को दोस्रो गीत सार्वजनिक गरिएको छ । सोमबार काठमाडौंमा एक कार्यक्रमका बीच सार्वजनिक ‘झम्के झमा झम’ बोलको लोक शैलीको गीतमा बाबुल गिरीको शब्द तथा संगीत छ भने सुमित खड्का र नम्रता काफ्लेको स्वर सुन्न सकिन्छ । भव्य लाइटिङले तयार पारिएको आकर्षक सेटमा गीत खिचिएको छ ।
फिल्म ‘रावायण’लाई लिएर उत्पन्न विवाद उत्कर्षमा छ । अभिनेता अनमोल केसीले फिल्ममा काम गर्ने भनेर १० लाख पेश्की रकम लिएको तर पछि काम गर्न नमानेको भन्दै निर्माताले प्रहरीमा उजुरी दिएपछि उनी शुक्रबार पक्राउ परे । र, आइतबार साँझ हाजिरी जमानीमा उनी रिहा भए । प्रहरीले सोधपुछ गर्दा उनले स्क्रिप्ट मन नपरेकाले फिल्ममा काम गर्न अस्वीकार गरेको बताएका थिए ।
