Nepal's No.1 Filmy Web Magazine
नेपालमा पहिलो पटक आइफोनबाट फिल्म खिचिने भएको छ । नेपालका फिल्म कलेजहरुबाट ब्याचलर पास गरेका विद्यार्थीहरुले आइफोन १४ प्रो म्याक्सबाट फिल्म ‘अ प्लेस अन्डर द सन’को छायांकन गर्न लागेका हुन् । जेसन लोप्चनको निर्देशनमा बन्न लागेको फिल्मलाई प्रविन लिम्बूले छायांकन गर्नेछन् । जेसनले आइफोनबाट फिल्म खिच्न सहज नभए पनि नयाँ प्रयोग गर्न लागेको बताए ।
सिमोस सुनुवारको निर्देशनमा बनेको मल्टीस्टारर फिल्म ‘हात्तीछाप’को फर्स्टलुक पोस्टर सार्वजनिक गर्दै आगामी माघ २६ गतेलाई प्रदर्शन मिति घोषणा गरिएको छ । फर्स्टलुकमा अभिनेता सौगात मल्ल मात्र फिचर्ड छन् । उनलाई ‘बोत्तल राजा’को रुपमा चित्रित गरिएको छ । उनको लुक्स र गेटअपले आफूलाई ‘राजा’ ठान्ने रिसाहा पात्रको भूमिकामा उनले अभिनय गरेको हुनसक्ने बुझिन्छ ।
सन् २०१४ मा प्रदर्शन भएको फिल्म ‘एउटा साथी’बाट अभिनेत्रीको रुपमा डेब्यू गरेकी करिश्मा श्रेष्ठले यसपछि सन् २०१५ मा ‘लभ सब’ र सन् २०१८ मा ‘बाबु कान्छा’मा अभिनय गरेकी थिइन् । तर, यी तीन फिल्म व्यावसायिक रुपमा सफल हुन सकेनन् । जसले गर्दा उनको करिअर पनि कमजोर बन्न पुग्यो । अब उनले ५ वर्षपछि फिल्म ‘मायावी’बाट अभिनयमा पुनरागमन गर्ने भएकी छन् ।
हरितालिका तीजको छेको पारेर शुक्रबारदेखि प्रदर्शनमा उत्रिएको फिल्म ‘नाङ्गो गाउँ’प्रति दर्शकको राम्रो आकर्षण देखिएको छ । पहिलो दिन ६० प्रतिशत आसपास अकुपेन्सी रहेको फिल्मले दोस्रो दिन अर्थात् शनिबारे विदामा ८५ प्रतिशतसम्म अकुपेन्सी कायम गर्न सफल भयो । शनिबार काठमाडौंसँगै मोफसलका प्रमुख शहरका हलहरुमा फिल्म हेर्ने दर्शकहरुको चाप उच्च रहेको थियो ।
अभिनेत्री टर्न निर्देशक झरना थापाद्वारा निर्देशित चौंथो फिल्म ‘एक भागवत र एक गीता’ शुक्रबारदेखि प्रदर्शनमा आइसकेको छ । पहिलो दिन सुखद अकुपेन्सी हासिल गरेको फिल्मले शनिबार विदाको फाइदा उठाउन सक्ने सम्भावना देखिन्छ । यौनिक-लैंगिक अल्पसंख्यक समुदायको कथामा आधारित भएर बनेको फिल्मले दर्शकबाट राम्रो प्रतिक्रिया प्राप्त गर्दा झरना खुसी देखिएकी छन् ।
‘कबड्डी’ फेम्ड निर्देशक रामबाबु गुरुङको निर्देशनमा बन्न लागेको फिल्म ‘डिग्री माइला : एमए थर्ड क्लास’को शुभ-मुहूर्त गरिएको छ । शनिबार बिहान नक्साल भगवती मन्दिरमा क्यामेरा र स्क्रिप्ट पूजा गर्दै फिल्मको मुहूर्त गरिएको हो । मुहूर्त समारोहमा निर्देशक गुरुङसहित फिल्मका मुख्य कलाकारहरु दयाहाङ राई, आँचल शर्मा, विजय बराल, माओत्से गुरुङलगायत उपस्थित रहेका थिए ।
