Nepal's No.1 Filmy Web Magazine
‘दर्पण छायाँ’ फेम्ड अभिनेता उत्तम प्रधान आफ्नो कमब्याक फिल्म ‘कल्ली’को छायांकनका लागि काठमाडौं आइपुगेका छन् । परिवारसहित भारतको सिक्किममा बस्दै आएका उनी बिहीबार बिहान काठमाडौं ओर्लिएका हुन् । उनलाई फिल्मका प्रस्तुतकर्ता किरण नेपालीले त्रिभुवन विमानस्थलमा स्वागत गरेका थिए । फिल्मको छायांकनका लागि उत्तम ३५ दिनसम्म नेपालमा रहनेछन् ।
‘बुलबुल’ फेम्ड निर्देशक विनोद पौडेलको दोस्रो फिल्म ‘भूठान : घर हराएको मान्छे’को टिजर सार्वजनिक गरिएको छ । करिब २ मिनेट लामो टिजरले फिल्मको कथावस्तुबारे प्रकाश पार्छ । अभिनेता हरिवंश आचार्यमा केन्द्रित रहेको टिजरले आफनो देश भुटान फर्कन खोजेको एक पात्रको कथा भन्छ । हरिवंश भुटानी आप्रवासीको भूमिकामा प्रस्तुत छन् । उनको अभिनय सशक्त देखिन्छ ।
अत्याधिक हिंसात्मक दृश्य रहेको भन्दै सेन्सरमा समेत रोकिएको फिल्म ‘ताण्डवम्’ शुक्रबारबाट प्रदर्शनमा आएको छ । निर्माताले १० मिनेट लामो दृश्य काटेपछि बिहीबार केन्द्रीय चलचित्र जाँच समिति (सेन्सर बोर्ड)ले पिजी सर्टिफिकेट प्रदान गर्दै फिल्मलाई प्रदर्शन अनुमति दिएको थियो । यो फिल्म १६ वर्षभन्दा मुनिका बालबालिकाले अभिभावकको साथमा मात्र हेर्न पाउनेछन् ।
यही फागुन १४ गते अर्थात् महाशिवरात्रिबाट प्रदर्शनमा आउन लागेको फिल्म ‘मायावी’को भजन गीतको रुपमा ‘माता विन्दवासिनी’ सार्वजनिक गरिएको छ । एसडी योगीको पार्श्व गायन तथा संगीत रहेको गीतमा राम अविरल विष्टको शब्द छ । गीतले विन्दवासिनी माताप्रतिको श्रद्धा एवं भक्तिभाव व्यक्त गर्छ । मान्छेहरुमा रहेको स्वार्थीपन, कुकर्मलाई पखालिदिन गरिएको प्रार्थना गीतमा छ ।
अत्याधिक हिंसात्मक दृश्य रहेको भन्दै सेन्सरमा रोकिएको फिल्म ‘ताण्डवम्’ले केन्द्रीय चलचित्र जाँच समिति (सेन्सर बोर्ड)बाट प्रदर्शन अनुमति पाएको छ । १० मिनेटको हिंसात्मक दृश्य काटेर निर्माताले बिहीबार पुनः फिल्मको सेन्सर गराएपछि बोर्डले पिजी सर्टिफिकेट दिँदै रिलिजका लागि बाटो खुला गरिदिएको हो । अब यो फिल्म १६ वर्षमुनिकाले अभिभावकको साथमा हेर्नुपर्नेछ ।
धेरै अगाडिदेखि चर्चा भइरहेको फिल्म हो, ‘२६ करोड’ । निर्देशक दिनेश राउत अलग भएपछि यो फिल्म बन्न सकेका थिएन । अब यसलाई ‘पूजार सार्की’का निर्माता सुभास भुसालले निर्माण गर्ने भएका छन् । अर्कै एक कम्पनीको नाममा रहेको फिल्मको सम्पूर्ण अधिकार उनले लिएका हुन् । २०८२ सालमा छायांकनको तयारी गरिएको यो फिल्मलाई लेखक विकास सुवेदीले निर्देशन गर्नेछन् ।
