Nepal's No.1 Filmy Web Magazine
एक घटनाका कारण एक वर्ष जेल जीवन विताएर फर्किएका अभिनेता पल शाहले दीवाकर भट्टराईको निर्देशनमा बन्न लागेको नयाँ फिल्म ‘मायावी’बाट डेढ वर्षपछि कमब्याक गर्ने भएका छन् । निर्माण टिमले बिहीबार एक पोस्टरमार्फत् फिल्ममा पल अनुबन्धित भएको जानकारी गराएको हो । प्राप्त जानकारी अनुसार, पलसँग निर्माण टिमको केही दिनअघि नै कागजी सम्झौता भएको थियो ।
नेपाली फिल्ममा राजनीतिक विषयले प्राथमिकता पाउन थालेको छ । तर, प्रायः फिल्मले राजनीति र नेता गलत नै हुन्छन् भन्ने भाष्य निर्माण गर्न खोजेको देखिन्छ । नेतालाई चुन्ने जनतामाथि प्रश्न गर्ने फिल्म कमै बनेका छन् । यही भदौ २९ गतेबाट प्रदर्शनमा आउन लागेको फिल्म ‘नाङ्गो गाउँ’ले भने नेतासँगै उनीहरुलाई चुनेर पठाउने जनतामाथि पनि प्रश्न गर्ने अभिनेता दयाहाङ राई बताउँछन् ।
६० दिनको सेड्युल राखिएको फिल्म ‘अगस्त्य’को छायांकन र बजेट दुवै बढेको छ । ‘लार्ज स्केल’मा बनिरहेको फिल्मको छायांकन ८० दिन नाघ्न सक्ने निर्देशक सौरभ चौधरीले जानकारी दिए । जसले गर्दा बजेट ४ करोड नाघ्ने देखिएको छ । करिब १८ दिनदेखि राजविराज क्षेत्रमा दोस्रो चरणको छायांकन भैरहेको फिल्मको गत जेठमा भैरहवा र भारतको गोरखपुर छायांकन गरिएको थियो ।
आगामी कात्तिक २४ गतेबाट प्रदर्शनमा आउन लागेको फिल्म ‘दिमाग खराब’ दुई कारणले चर्चामा छ । पहिलो, ‘लुट’बाट सेलिब्रेटी निर्देशक बनेका निश्चल बस्नेतले ६ वर्षपछि निर्देशनमा कमब्याक गरेका हुन् । दोस्रो, स्टारकास्ट । फिल्ममा दयाहाङ राई, खगेन्द्र लामिछाने, स्वस्तिमा खड्का, अर्पण थापा, विजय बराल र सुमन कार्कीलगायतका नाम चलेका कलाकारहरुको मुख्य भूमिका छ ।
२०७१ सालमा प्रदर्शन भएको फिल्म ‘लभ यू बाबा’बाट उत्कृष्ट अभिनेत्रीको ‘राष्ट्रिय अवार्ड’ जितेकी संगम विष्टले ९ वर्षपछि म्यूजिक भिडियोमार्फत् अभिनयमा पुनरागमन गरेकी छन् । श्रीकृष्ण जन्माष्टमीको अवसर पारेर मंगलबार युट्युबमा सार्वजनिक गरिएको ‘नरोउ राधा सम्झेर मलाई’ बोलको कृष्ण भजन गीतमा उनी राधाको चरित्रमा प्रस्तुत छिन् । यस गीतमा उनको आकर्षक नृत्य छ ।
भदौ २९ गतेबाट प्रदर्शनमा आउन लागेको झरना थापाद्वारा निर्देशित फिल्म ‘एक भगवत् गीता’को दोस्रो गीत सार्वजनिक गरिएको छ । बुधबार श्रीकृष्ण जन्माष्टमीको अवसर पारेर युट्युबमा सार्वजनिक गरिएको ‘के तिमीलाई यो कुराको खबर छ’ बोलको गीतमा हर्कुसल बस्नेत, राजाज्ञा श्रेष्ठ र सुमन गुरुङको स्वर रहेको छ भने सविन एकतारेको शब्द रचना तथा हर्कुसल स्वयंको संगीत छ ।
