Nepal's No.1 Filmy Web Magazine
नेपाली फिल्ममा लामो समयदेखिको खडेरीलाई जनैपूर्णिमाबाट प्रदर्शनमा उत्रिएको फिल्म ‘ऐंचो पैंचो’ले केही हदसम्म चिर्ने प्रयास गरेको छ । प्रदर्शनको पहिलो दिन दिवा शोदेखि दर्शकको सुखद साथ पाएको फिल्मले शुक्रबार र शनिबार पनि कमजोर प्रदर्शन गरेन । शुक्रबार मध्यम रहेको फिल्मको व्यापार शनिबार केही राम्रो रह्यो । सम्रगमा फिल्मको तीन दिनलाई सुखद मानिएको छ ।
अभिनेत्री नीता ढुंगानालाई पितृ शोक परेको छ । उनका बुबा सोमप्रसाद ढुंगानाको शनिबार ८० वर्षको उमेरमा निधन भएको हो । नीताले सामाजिक सञ्जालमा एक पोस्टमार्फत् बुबाको निधन भएको जानकारी गराएकी छन् । उनका पिताप्रति फिल्मकर्मीका साथै शुभचिन्तकहरुले श्रद्धाञ्जली व्यक्त गरेका छन् । बाल्यकालमै आमाको न्यानो काख गुमाएकी नीता बुबासँग अत्यन्त नजिक थिइन् ।
‘दर्पण छायाँ’ फेम्ड अभिनेत्री निरुता सिंह वैवाहिक जीवनमा बाँधिएकी छन् । लामो समयदेखि परिवारसँग मुम्बईमा बस्दै आएकी उनले भदौ १४ गते बिहीबार मुम्बई निवासी सञ्जीभ गुलाटीसँग विवाह गरेकी हुन् । निरुताले सामाजिक सञ्जालमा साझेदार गरेको विवाहको एउटा तस्वीरमा उनी श्रीमानसँग खुसी मुद्रामा देखिएकी छन् । दुवैको गलामा लामो माला र पृष्ठभूमिमा मन्दिर देखिन्छ ।
यही भदौ २९ गतेबाट प्रदर्शन हुन लागेको फिल्म ‘एक भगवत् गीता’को शुक्रबार काठमाडौंमा एक कार्यक्रमबीच ट्रेलर सार्वजनिक गरियो । तर, फिल्मका मुख्य अभिनेता धीरज मगर भने उपस्थित भएनन् । आँखा पाकेका कारणले उनी उपस्थित हुन नसकेको जानकारी गराइएको थियो । तर, निकट स्रोतका अनुसार केही समयदेखि धीरजसँग फिल्मको टिमको सम्पर्क नै हुन सकेको छैन ।
ऐंचो पैंचोको अर्थ लिने-दिने भन्ने हुन्छ । नेपाली समाजमा यो वाक्यको प्रायः प्रयोग हुन्छ । र, यही चलनचल्तीको वाक्य सापटी दिँदै नेपाली फिल्म बनेको छ, ‘ऐंचो पैंचो’ । जनैपूर्णिमाबाट प्रदर्शनमा आएको फिल्मको नामजस्तै दुई अभिनेत्री स्वस्तिमा खड्का र वर्षा राउतबीच भूमिका पनि साटफेर भएको थियो । स्वस्तिमाको चित्त बुझाउनलाई निर्माण टिमले दुवैको भूमिका हेरफेर गरेको थियो ।
अभिनेत्री टर्न निर्देशक झरना थापाका लागि ‘ए मेरो हजुर’ पैसाको बोट हो । यसका तीनवटा श्रृंखलाले उनलाई सफल निर्देशकको रुपमा स्थापित गर्यो । तर, यसपटक उनले पैसा फल्ने बोट छाडेर ‘एक भगवत् गीता’ नामको नयाँ विरुवा रोपेकी छन् । नामै ब्रान्ड भएकाले ‘ए मेरो हजुर’का सिरिजमा उनलाई ठूलो व्यावसायिक दबाब थिएन । तर, यसपटक नयाँ नामका कारण चुनौती बढी छ ।
