Nepal's No.1 Filmy Web Magazine
गत असार २१ गते रातोपुलस्थित घरमा झुन्डिएको अवस्थामा भेटिएका अभिनेता सारुक ताम्राकारले निधनअघि फिल्म ‘ह्यासट्याग माया’मा काम गरिरहेका थिए । फिल्मको आधा छायांकन पनि सकिएको छैन । उनको निधनपछि फिल्म निर्माण नै अन्योल बनेको छ । करिब २ वर्ष प्रि-प्रोडक्सन र छायांकनको समेत गरी फिल्ममा ५ करोड बढी खर्च भइसकेको दाबी निर्माण पक्षले गरेको छ ।
सुपरस्टार विपिन कार्की मंगलबार आफ्नो जन्मदिन मनाउँदैछन् । अभिनयमा आफूलाई अब्बल प्रमाणित गरिसकेका उनका लागि यस वर्ष निकै विशेष छ । उनले विल्कुलै फरक भूमिका निर्वाह गरेको दुई फिल्म ‘एक भगवत् गीता’ भदौ २९ मा र ‘पशुपति प्रसाद २ : भष्मे डन’ दशैंमा प्रदर्शनमा आउँदैछ । यी दुईटा फिल्मले विपिनको करिअरलाई कायापटल गर्न सक्ने विश्लेषण गरिएको छ ।
फिल्म ‘नाईं नभन्नू ल ४’बाट अभिनेत्री वर्षा राउतको सुखद उदय भयो । ‘छक्का पञ्जा’ र ‘जात्रा’ जस्ता फिल्म सफल भैदिँदा उनको करिअर थप मजबूत बन्यो । चुलबुले र गम्भीर दुवै स्वभावको भूमिकामा आफूलाई अब्बल प्रमाणित गरिसकेकी उनी अब आगामी भदौ १४ गतेबाट प्रदर्शनमा आउन लागेको फिल्म ‘ऐंचो पैंचो’मा देखिँदैछन्, जसलाई लिएर उनको निकै ठूलो आशा र भरोसा छ ।
अभिनेत्री परमिता आरएल राणाले जीवनसाथी भेटेकी छन् । उनले सोमबार इन्स्टाग्राममा एउटा रिल पोस्ट गर्दै आफ्नो जीवनसाथी सार्वजनिक गरेकी छन् । उनले ‘हाई सोलमेट’ भनेर उल्लेख गरेकी छन् । उनले विवाह बन्धनमा बाँधिएको जानकारी भने गराएकी छैनन् । उनका ‘सोलमेट’ मलायाली (भारतीय) हुन् । उनले आफ्नो जीवनसाथीसँग केराको पातमा खाना खाइरहेको पनि देखिन्छ ।
आगामी भदौ २९ गतेबाट प्रदर्शनमा आउन लागेको दीपेन्द्र लामाद्वारा निर्देशित फिल्म ‘नाङ्गो गाउँ’को ट्रेलर सार्वजनिक गरिएको छ । चार मिनेटको ट्रेलर पूरापूर राजनीतिक विषयमा केन्द्रित छ । चुनावी मैदानमा उत्रिएका पासाङ तामाङ (दयाहाङ राई) र जरी लामा (शिशिर वाङ्देल)बीच चुनावमा हार्ने व्यक्तिले सर्वाङ्ग नाङ्गो भएर घर जानुपर्ने सर्त छ । र, दुवै चुनाव जित्ने रणनीतिमा छन् ।
