Nepal's No.1 Filmy Web Magazine
करिब दुई सातादेखि नेपाली र भारतीय प्राविधिक टिम लिएर छायांकन भइरहेको सन्तोष सेन निर्देशित फिल्म ‘बलिदान’को एक्सन दृश्य खिच्न सुरु गरिएको छ । बिहीबारदेखि पूर्वको इटहरीमा तयार पारिएको सेटमा अभिनेता समीर भट्टसहितका कलाकारहरूको एक्सन दृश्य खिच्ने काम भइरहेको निर्देशक सेनले जानकारी दिए । अब दशैं अघिसम्म एक्सन दृश्यहरू खिचिने उनको भनाई छ ।
दशैंको अवसर पारेर यही असोज १७ गते घटस्थापनाबाट प्रदर्शनको तयारीमा रहेको फिल्म ‘बेहुली फ्रम मेघौली’को ‘छड्के सलाम’ गीत यतिबेला चर्चामा छ । टिजर र ट्रेलरले पनि राम्रो ‘हाइप’ बनाएपछि विदेशमा फिल्मको माग चुलिएको छ । र, धमाधम विदेश राइट्स बिक्री भइरहेको छ । यसैबीच नेपाली फिल्मको ठूलो बजार मानिने संयुक्त राज्य अमेरिकामा पनि फिल्म बिक्री भएको छ ।
बिना ठूलो ‘स्टारकास्ट’ र सानो बजेटमा निर्माण भएका दुई फिल्म ‘सानो संसार’ र ‘आँखा’ बक्स अफिस प्रतिस्पर्धामा उत्रिएका छन् । दशैंलाई लक्षित गरेर यी दुई फिल्म शुक्रबारबाट व्यावसायिक प्रदर्शनमा आएका हुन् । दुवै फिल्मले मल्टीप्लेक्सहरुमा औसत शो पाएका छन् । एड्भान्स बुकिङ पनि कमजोर देखिन्छ । यो अवस्थामा यी दुवै फिल्मलाई ‘वर्ड अफ माउथ’ले मात्र बचाउन सक्छ ।
आगामी मंसिर ७ गते फिल्म रिलिजको चाप देखिने भएको छ । यो मितिमा ‘तेल भिसा’, ‘अग्निदहन’ र ‘देव वाणी’ प्रदर्शनमा आउने निश्चित भैसकेको अवस्थामा अब अर्को फिल्म पनि थपिएको छ । अभिनेत्री ऋचा शर्माको शीर्ष भूमिका रहेको फिल्म ‘सारंग’ मंसिर ७ गतेदेखि प्रदर्शनमा आउन लागेको हो । बिहीबार फर्स्टलुक पोस्टर सार्वजनिक गर्दै फिल्मको प्रदर्शन मिति घोषणा गरिएको हो ।
सुपरस्टार राजेश हमाल ७ वर्षपछि फिल्मको छायांकनमा फर्किएका छन् । उनको मुख्य भूमिका रहने फिल्म ‘नरसिंहा अवतार’को बालाजुस्थित एनएफडिसी स्टुडियो (नेपाल चलचित्र विकास कम्पनी)मा बिहीबार बिहान मुहूर्त गरेसँगै छायांकन सुरु गरिएको हो । फिल्मका लागि पहिलो सट अभिनेता हमाल र अर्जुन श्रेष्ठले दिए । शुक्रबारबाट हमालको एक्सन सिन खिचिने जानकारी प्राप्त छ ।
अभिनेता नाजिर हुसेनले पहिलोपटक पारालैंगिक महिला (ट्रान्सवुमन)को भूमिकामा अभिनय गरेको फिल्म ‘गुन्यो चोलो’को रिलिज स्थगित भएको छ । आगामी कात्तिक ९ गतेलाई प्रदर्शन मिति घोषणा गरिएकोमा केही विषय कारणले तत्काललाई रिलिज स्थगित गर्नुपरेको निर्देशक समुन्द्र भट्टले जनाएकी छन् । चाँडै एउटा ठूलो खबरसहित नयाँ प्रदर्शन मिति घोषणा गरिने उनको भनाई छ ।
