Nepal's No.1 Filmy Web Magazine
अभिनेता सनी देओल र अभिनेत्री अमीषा पटेल स्टारर फिल्म ‘गदर २’लाई यस वर्षको दोस्रो ठूलो ओपनिङ मिलेको छ । फिल्मले प्रदर्शनको पहिलो दिन भारतमा ४० करोड १० लाखको ओपनिङ गरेको ट्रेड एनालिस्ट तरण आदर्शले जनाएका छन् । यस वर्ष सबैभन्दा ठूलो ओपनिङ अभिनेता साहरुख खानको ‘पठान’लाई मिलेको थियो, जसको पहिलो दिनको कमाई नै ५७ करोड थियो ।
२०७५ सालमा प्रदर्शन भएको फिल्म ‘बोबी’ले कविता गुरुङलाई सेलिब्रेटी बनायो । उनकै प्रेमकथामा आधारित भएर फिल्म बनेको थियो । फिल्ममा उनकै श्रीमान् उमेश थापा हिरो थिए । घरेलू बक्स अफिसमा सुखद प्रदर्शन गरेको फिल्ममा कविता र उमेशले अभिनयमा राम्रो सम्भावना देखाएका थिए । यसपछि ‘बोबी २’ निर्माणको घोषणा गरियो । तर, अहिलेसम्म यो फिल्म बनेको छैन ।
सुदर्शन थापाको निर्देशनमा बन्न लागेको फिल्म ‘रावायण’मा अभिनेता अनमोल केसी र मिस नेपाल पृष्ठभूमिकी नीति शाहपछि थप दुई कलाकार जोडिएका छन् । शुक्रबार निर्माण टिमले मुख्य भूमिकामा अभिनेत्री शिल्पा मास्के र अभिनेता कामेश्वर चौरासियासँग सम्झौता गरेको छ । निर्मात्री सुप्रिया कटुवालले शिल्पा र कामेश्वरलाई फिल्ममा स्वागत गर्दै फेसबुकमा तस्विर सेअर गरेकी छन् ।
सुपरहिट फिल्म ‘छ माया छपक्कै’ फेम्ड निर्देशक दीपेन्द्र लामाद्वारा निर्देशित फिल्म ‘नाङ्गो गाउँ’को पहिलो रोमान्टिक भावको गीत सार्वजनिक गरिएको छ । ‘पहिलो नम्बर’ बोलको गीतमा किरण गजमेरको स्वर, राजेश अचार्यलको शब्द रचना र एसडी योगीको संगीत रहेको छ । गीतको गायकी शैली र संगीतले ६०/७० दशकतिरको आभाष गराउँछ । भिडियोको कन्सेप्ट पनि आकर्षक छ ।
यस वर्षको बैशाख १ गते प्रदर्शित फिल्म ‘जारी’ले घरेलू बक्स अफिसमा अप्रत्यासित अंक जोड्यो । यो फिल्मले १७ करोडमाथिको कमाई गरेको छ । यसपछि धेरै आशातित फिल्म प्रदर्शनमा आए । तर, कुनैले एक करोडको आँकडा समेत छुन सकेनन् । गत असार २९ गते प्रदर्शन भएको फिल्म ‘बगान’ले भने ‘जारी’पछिकै उच्च कमाई गरेको चलचित्र विकास बोर्डको तथ्यांकमा देखिन्छ ।
कुनै बेला ‘नम्बर वान नायक’को पोजिसनमा लामो समय टिकेका आर्यन सिग्देल यतिबेला एउटा हिट फिल्मका लागि भौँतारिरहेका छन् । विगत ५/६ वर्षयता उनले हिट फिल्म देख्न पाएका छैनन् । करिअरको उत्कर्षमा रहँदा गुणस्तरीयभन्दा गुणात्मक फिल्ममा जोड दिनुको परिणाम अहिले उनले भोग्नुपर्ने विश्लेषण हुने गरेको छ । यद्यपि, उनीप्रति मेकरहरुको आकर्षण खासै घटेको छैन ।
