Nepal's No.1 Filmy Web Magazine
अब सुपरस्टार दयाहाङ राईबिना नेपाली फिल्म नै नबन्ने स्थिति आएको देखिन्छ । ‘कबड्डी ४’ र ‘जारी’को सफलतापछि उनी ‘हाई डिमाण्ड’मा छन् । हरेक निर्माता उनलाई नै लिएर फिल्म बनाउन चाहिरहेका छन् । कतिपयले उनलाई नयाँ राजेश हमालको संज्ञा दिन थालेका छन् । अहिले उनीसँग एक दर्जनको आसपास फिल्म छ । यस वर्षका लागि उनको सेड्युल ‘प्याक’ नै भैसकेको छ ।
बलिउड सुपरस्टार रणवीर सिंह पहिलो पटक डनको भूमिकामा देखिने भएका छन् । उनले हिट फ्रेन्चाइज ‘डन’को तेस्रो श्रृंखलामा मुख्य भूमिकामा काम गर्न लागेका हुन् । बुधबार निर्माण कम्पनी एक्सेल इन्टरटेनमेन्टले टिजरमार्फत् ‘डन ३’को औपचारिक रुपमा निर्माण घोषणा गर्दै रणवीरले डनको भूमिका निर्वाह गर्ने जानकारी गराएको हो । टिजरमा रणवीर आकर्षक लुक्समा प्रस्तुत छन् ।
आगामी भदौबाट निर्माणको तयारीमा रहेको फिल्म ‘उपहार’मा सुलक्षण भारतीको नाम उल्लेख गरिने सहमति भएपछि स्क्रिप्टलाई लिएर उत्पन्न विवाद सुल्झिएको छ । मंगलबार फिल्मका निर्देशक ज्ञानेन्द्र देउजा र निर्मात्री तथा अभिनेत्री रेखा थापाले सुलक्षणसँग प्रत्यक्ष भेट गर्दै फिल्मको कथा, पटकथा तथा संवादमा नाम उल्लेख गर्ने वचनबद्धता व्यक्त गरेपछि विवादले किनारा पाएको हो ।
अभिनेता तथा गायक यश कुमारले मंगलबार आफ्नो आवाज, शब्द रचना तथा अभिनयमा ‘सुस्तरी-सुस्तरी’ बोलको रोमान्टिक गीत सार्वजनिक गरेका छन् । गीतमा नगर प्रहरी र सडकमा मकैं बेच्ने युवतीबीचको प्रेमलाई देखाउन खोजिएको छ । भिडियोमा नगर प्रहरीहरुले सडकपेटीमा व्यापार गर्नेहरुलाई बल प्रयोग गरेर हटाएको दृश्यहरु पनि छन्, जसले काठमाडौंको यथार्थ कथा बोल्छ ।
आगामी भदौमा निर्माणको तयारीमा रहेको फिल्म ‘उपहार’ स्क्रिप्ट विवादमा तानिएको छ । सुलक्षण भारतीले आफ्नो कथामा बिना अनुमति अर्कै लेखकबाट पटकथा तयार गरेर फिल्म निर्माण हुन लागेको भन्दै सामाजिक सञ्जालमा आपत्ति जनाएपछि फिल्मको विवाद सतहमा आएको हो । र, सामाजिक सञ्जालबाट फिल्मका निर्देशक ज्ञानेन्द्र देउजा र सुलक्षणबीच जुहारी नै चलिरहेको छ ।
आगामी भदौ १ गतेलाई प्रदर्शन मिति घोषणा गरिएको राजु गिरीद्वारा निर्देशित फिल्म ‘नम्बरी सुन’ ५ महिना पछाडि धकेलिएको छ । मंगलबार एक पोस्टर सार्वजनिक गर्दै आगामी माघ १९ गतेलाई फिल्मको नयाँ प्रदर्शन मिति ‘लक’ गरिएको छ । फिल्मको टिजर र एक गीत सार्वजनिक भैसकेको छ । भदौ १ मा अरु दुईवटा फिल्म रिलिज हुने भएपछि ‘नम्बरी सुन’ पोस्टपोन्ड भएको चर्चा छ ।
