Nepal's No.1 Filmy Web Magazine
बलिउडका प्रायः सेलिब्रेटीका लागि बिदा मनाउने आकर्षक गन्तव्य बनेको माल्दिभ्स नेपाली सेलिब्रेटीहरुको पनि रोजाई बनिरहेको छ । बलिउडमा प्रवेश गर्न वर्षौंदेखि मुम्बईमा संघर्षरत अभिनेत्री अदिती बुढाथोकीको लागि त माल्दिभ्स पानी पँधेरो नै भैसकेको छ । उनी अक्सर ‘रिफ्रेस’ हुन माल्दिभ्स पुगेकी हुन्छिन् । र, त्यहाँको समुन्द्री किनारमा उनी आफूलाई नयाँ अवतारमा प्रस्तुत गर्छिन् ।
नेपाली फिल्ममा तीन दशक विताइसकेका निर्देशक शोभित बस्नेत आफ्नो अभिव्यक्तिका कारण प्रायः चर्चा र विवादमा आइरहेका हुन्छन् । केही वर्षअघि उनले ‘महानायक’को विषयमा दिएको अभिव्यक्तिले ठूलो विवाद निम्त्याएको थियो । यसको असर उनीद्वारा निर्देशित फिल्म ‘डाँडाको वर पीपल’लाई समेत परेको थियो । तर, विवादको डरले आफ्नो अभिव्यक्ति राख्न भने उनी डराउँदैनन् ।
कपूर खानदानले बलिउडमा दशकौंदेखि राज गरिरहेको छन् । ६० को दशकका सुपरस्टार पृथ्वीराज कपूरपछि अहिले बलिउडमा यो परिवारको चौंथो पुस्ता सक्रिय छ । राज कपूर, ऋषि कपूर, रणधीर कपूर, शशि कपूर, शम्मी कपूर हुँदै करीना कपूर, रणबीर कपूरले समेत बलिउडमा गर्विलो उपस्थिति जनाएका छन् । आफ्नो दमदार अभिनय र गुड लुक्सले उनीहरु सधैं चर्चामा रहन्छन् ।
मधुसुदन भट्टराईको निर्देशनमा फिल्म ‘हामी तीन भाई’को छायांकन सुरु भएको छ । शुक्रबार (हिजो) मकवानपुरस्थित पर्यटकीय स्थल चित्लाङबाट फिल्मको छायांकन सुरु गरिएको हो । फिल्मको छायांकन सेड्युल एक महिनाको रहेको निर्देशक भट्टराईले जानकारी दिए । पारिवारिक प्रेमकथामा आधारित भएर बन्न लागेको यो फिल्मको प्रस्तुतकर्तामा साजित महत रहेका छन् ।
आगामी भदौ १ गतेबाट प्रदर्शनमा आउन लागेको गणेशदेव पाण्डेद्वारा निर्देशित तेस्रो फिल्म ‘जुलेबी’को ट्रेलर सार्वजनिक गरिएको छ । शुक्रबार सार्वजनिक ट्रेलरमा चार महिला पात्रको कथालाई देखाइएको छ । फिल्म यौन मनोविज्ञानमा आधारित रहेको ट्रेलरले प्रष्ट्याउँछ । अभिनेत्री सुरक्षा पन्तलाई यौनकर्मीको रुपमा चित्रण गरिएको छ । सुशील सिटौला भने उनलाई एकतर्फी प्रेम गर्छन् ।
स्टारकास्टका कारण चर्चामा रहेको फिल्म ‘कामिनो’ निर्माण नहुँदै संकटमा परेको छ । निर्धारित समयमा छायांकन नहुँदा एकपछि अर्को कलाकारले फिल्म छाडिरहेका छन् । सौगात मल्ल, राजबल्लभ कोइराला र नीति शाहपछि वर्षा सिवाकोटीले पनि फिल्म छाडेकी छन् । उनी स्वयंले यसको पुष्टि गरिन् । उनले बिहीबार निर्माण टिमलाई अब काम गर्न नभ्याउने जानकारी गराएकी हुन् ।
