Nepal's No.1 Filmy Web Magazine
गत कात्तिक ३० गते प्रदर्शनमा आएको फिल्म ‘ह्रस्व दीर्घ’ले घरेलु बक्स अफिसमा सन्तोषजनक व्यापार गर्यो । ६ करोडमा बनेको फिल्मले नेपालमै १० करोडमाथि कमाएको निर्माताको दाबी छ । भारतीय कम्पनी जी नेटवर्कलाई फिल्मको ओटीटी राइट्स समेत बिक्री गरिएको छ । त्यसबाट निर्माताले राम्रो रकम हात पारेका छन् । अब यो फिल्मको दोस्रो श्रृंखला निर्माण गरिने भएको छ ।
पछिल्लो समय सामाजिक कथामा फिल्म निर्माणको बाढी आएको छ । र, त्यस्ता कथा रुचाइएका पनि छन् । यसैले अन्य कथामा फिल्म बन्न कम भएको देखिन्छ । झन् लभस्टोरीको त खडेरी नै छ । अब धेरैपछि एउटा पूर्ण लभस्टोरी फिल्म प्रदर्शनमा आउँदैछ । त्यो हो, ‘मायावी’ । नामले नै फिल्म प्रेमकथामा बनेको प्रष्ट हुन्छ । यो फिल्म यही फागुन १४ गते (शिवरात्रि)देखि प्रदर्शन हुँदैछ ।
कुनै समय नेपाली फिल्ममा सशक्त उपस्थिति जनाएकी अभिनेत्री जल शाह करिब दुई दशकदेखि परिवारसहित अमेरिकामा बस्दै आएकी छन् । अमेरिका गएपछि उनको फिल्मसँग पनि दूरी बढ्यो । उनी पछिल्लो पटक सन् २००६ मा आएको फिल्म ‘क्रोध’मा देखिएकी थिइन् । यतिबेला श्रृंखलाबद्ध रुपमा पुराना कलाकारहरुको पुनरागमन भइरहेको समयमा अब पखाई जल शाहको छ ।
शुक्रबारबाट प्रदर्शनमा आएको फिल्म ‘रंगी’ बुकिङ खुलेको समयदेखि नै हलहरुको उपेक्षामा पर्यो । फिल्मले पहिलो दिन देशभर ६० शो पनि पाएन । एकैदिन प्रदर्शनमा आएको अर्को फिल्म ‘दु:खी आत्मा’को शो भने २ सय बढी थियो । देशकै ठूलो मल्टीप्लेक्स चेन क्यूएफएक्सले ‘रंगी’लाई शोमा सबैभन्दा बढी चेपेको देखिन्छ । यो चेनले शुक्रबार ३६ बढी पर्दामा जम्मा १६ शो दिएको थियो ।
आगामी चैत ८ गतेबाट प्रदर्शनमा आउन लागेको क्राइम-थ्रिलर फिल्म ‘११:५५’को टिजर सार्वजनिक गरिएको छ । आइतबार सार्वजनिक १ मिनेट ३४ सकेण्ड लम्बाईको टिजरमा पात्रहरुबीचको लभ, रोमान्स, धोका र बदलाको कथा समेटिएको छ । विश्वास गरिएका व्यक्तिबाटै समस्यामा परेका पात्रहरुको कथामा फिल्म आधारित रहेको टिजरले प्रष्ट पार्छ ।
महिला राष्ट्रिय फुटबल टिमकी कप्तान एञ्जिला तुम्बाप्पो सुब्बाको जीवनमा आधारित भएर बनेको फिल्म ‘अञ्जिला’को बेलायतको एल्डरसटस्थित एम्पायर हलमा शनिबार प्रिमियर गरिएको छ । बेलायतका लागि नेपाली राजदूत चन्द्र कुमार घिमिरेको प्रमुख अतिथ्यतामा भएको प्रिमियरमा फिल्मले उत्साहजनक प्रतिक्रिया पाएको निर्देशक मिलन चाम्सले जानकारी दिए ।
