Nepal's No.1 Filmy Web Magazine
संविधान दिवसको दिन पारेर आगामी असोज ३ गतेबाट प्रदर्शनको तयारीमा रहेको फिल्म ‘खुस्मा’को ट्रेलर सार्वजनिक गरिएको छ । फिल्मका प्रमुख अभिनेता धीरज मगरको जन्मदिनको अवसरमा मंगलबार काठमाडौंका एक कार्यक्रमबीच सार्वजनिक ट्रेलरमा प्रेम, विछोड र वियोगलाई प्राथमिकता दिइएको छ । सशस्त्र द्वन्द्वको छायाँमा अंकुराएको एक जोडीको प्रेमलाई ट्रेलरले देखाउँछ ।
दशैंको छेको पारेर आगामी असोज ११ गतेदेखि प्रदर्शनको तयारीमा रहेको फिल्म ‘सानो संसार’को ट्रेलर सार्वजनिक गरिएको छ । करिब तीन मिनेट लामो ट्रेलरमा एउटा मध्यम वर्गीय परिवारले आर्थिक समस्याका कारण भोग्नुपरेको अभाव, कठिनाई र संघर्षलाई मर्मस्पर्शी रुपमा देखाइएको छ । वैदेशिक रोजगारीको बाध्यता, विवाहको दबाब जस्ता पक्षलाई पनि ट्रेलरले देखाउन खोजेको छ ।
चाँडै निर्माणको तयारीमा रहेको फिल्म ‘डिएनए’बाट सुधन पोखरेलले अभिनेताको रुपमा डेब्यु गर्ने भएका छन् । मंगलबार उनलाई चित्रित गर्दै फिल्मको फर्स्टलुक पोस्टर सार्वजनिक गरिएको छ । पोस्टरमा सुधन अँध्यारो कोठाभित्र चम्किलो किरण फ्याँकिरहेको एक बाकसमा हेरिरहेका छन्, जहाँ पौराणिक वस्तु हुनसक्ने अनुमान गर्न सकिन्छ । रोयल भीमसेनले पोस्टर डिजाइन गरेका हुन् ।
२०७५ सालमा आएको फिल्म ‘इन्टु मिन्टु लण्डनमा’बाट अभिनेता धीरज मगरको उदय भएको थियो । यसले उनको छवि नै ‘लभर ब्वाई’को रुपमा बनायो । यसपछिका फिल्ममा पनि उनी रोमान्टिक भूमिकामै देखिए, तर त्यसमा विविधता देखिन्थ्यो । दोस्रो फिल्म ‘बाबरी’मा लुक्सदेखि बोल्ने शैलीसम्म फरक थियो । ‘ज्याकी’मा डान्सर बनेका थिए । र, ‘एक भगवत् गीता’मा मगर चरित्र निभाए ।
बाल्यकालदेखि नै अभिनयमा सक्रिय अभिनेता सलोन बस्नेतले पछिल्लो समय फिल्म निर्माणमा पनि आफ्नो उपस्थिति बढाइरहेका छन् । गत वर्ष ‘जय हो’ बनाएका उनी यसै वर्ष फिल्म ‘यूनिभर्सिटी अफ गुन्डाज्’ निर्माणको तयारीमा छन् । तर, यो फिल्मभन्दा अगाडि उनले ‘रंगी’ शीर्षकमा अर्को फिल्म बनाउने भएका छन् । आइतबार थिम पोस्टर सार्वजनिक गर्दै फिल्मको घोषणा गरियो ।
तीजको दिनबाट हलमा प्रदर्शनरत फिल्म ‘रावायण’लाई केन्द्रीय चलचित्र जाँच समिति (सेन्सर बोर्ड)ले केही विभत्स दृश्य र अपाच्य संवादका कारण १६ वर्षभन्दा मुनिका दर्शकले हेर्न नपाउने गरी ‘एडल्ट सर्टिफिकेट’ दिएको थियो । जसले गर्दा यो उमेर समूहका दर्शक र बच्चा लिएर गएका अभिभावकहरुले फिल्म हेर्न पाएका थिएनन् । यसले फिल्मको व्यापारमा नै ठूलो असर पुगेको थियो ।
